धनकुटा प्रेस अनलाईन सम्वाददाता
धनकुटा/धनकुटामा ५९ औं बाल दिवसको अवसरमा सुक्रवार अन्तर विद्यालय स्तरीय वक्तृत्वकला प्रतियोगिता आयोजना गरिएको छ ।
‘बालबालिकामा लगानीः सुनिश्चित भविष्यको थालनी’ विषयक वक्तृत्वकलामा धनकुटा नगरपालिका क्षेत्रका नौ विद्यालयको सहभागीता थियो । धनकुटा नगरपालिकाको महिला तथा बालबालिका शाखाको संयोजनमा प्रतियोगिता आयोजना गरिएको शाखा प्रमुख फुलमाया तामाङले बताइन् ।
सो अवसरमा तुलसी मेहर माविका डिना घिमिरे पहिलो, बालसंसार माविका दिया बस्नेत दोस्रो, निजामती आवासीय माविका आर्शी अधिकारी तेस्रो र गोकुण्डेश्वर माविका किरण अधिकारीले चौथो स्थान प्राप्त गरे । विजेता प्रतियोगीले क्रमशः पा“च, चार, तीन र एक हजार नगद सहित प्रमाणपत्र प्राप्त गरे । धनकुटा नगरपालिकाका उपप्रमुख भीमादेवी खनालको प्रमुख आतित्थ्यतामा आयोजित प्रतियोगिताका निर्णायक डा.यज्ञप्रसाद गुरागाई, शिक्षा शाखा प्रमुख नगेन्द्रमणी श्रेष्ठ र रमेशचन्द्र अधिकारी रहेका थिए ।
कार्यक्रममा धनकुटा नगरपालिकाका प्रमुख प्रशासकीय अधिकृत मुक्तिनाथ सुवेदी, गैरसरकारी संस्थाका अध्यक्ष मीन सुवेदी, हुसाडेक नेपालका उपाध्यक्ष कृष्णगोविन्द अधिकारी तथा केदार दाहाल लगायतले बाल दिवसबारे आफ्ना धारणा राखेका थिए । यसैगरी, बाल दिवसको अवसरमा र्याली तथा अन्तरक्र्रिया कार्यक्रम समेत आयोजना गरिएको छ ।
- Dhankutapress