धनकुटा प्रेस सम्वाददाता
धनकुटा/श्रीकृष्णजन्माष्टमीको पावन अवसर पारेर नेवाः समाज धनकुटाले भोटे कोशी वाढी पहिरो पीडित परिवारका लागि सामुहिक लाखे नाचेर ७१ हजार, १ सय २ रुपयाँ आर्थिक सहयोग संकलन गरेका छन् ।
श्रीकृष्णजन्माष्टमीको अवसर पारेर शुक्रवार नेवाः समाज धनकुटाले धनकुटा वजारको सिरान वजार, विच वजार, भीमसेन थान, परिचयमोड, हुलाकटोल, सिरवानी, त्रिवेणीचोक, माथिल्लो कोप्चे, तल्लो कोप्चे लगायत स्थानमा लाखे नाचेर भोटेकोशीका वाढी पहिरो पीडित परिवारलाई सहयोग संकलन गरिएको हो । समाजका अगुवा नविनकिशोर शाक्यका अनुसार श्रीकृष्णजन्माष्टमीको अवसर पारेर नेवाःसमाज धनकुटाले लाखे नाचेर संकलन गरेको ७१ हजार, १ सय २ रुपयाँ नगद प्रधानमन्त्री दैवीप्रकोप राहात कोषमा सिधै जम्मा गरिने वताए । 
उनले देशलाई आई परेको यो प्राकृतिक प्रकोपमा कठिन परिस्थितिमा प्रभावित परिवार तथा समुदायलाई आवश्यक सहयोग र हौसलाका लागि सकेको सहयोग गर्ने धनकुटा वजारका नेवाःसमाज जुटेको वताए । शाक्यले ज–जस्ले भोटेकोशी वाढी पीडित परिवार र त्यहाँको जरजर अवस्थालाई देखेर पीडा सम्झेर सहयोग गर्ने धनकुटा बजारवासीलाई धन्यवाद दिए । उनले बैंक खुलेपछि प्रधामन्त्री दैवीप्रकोप राहात कोषमा जम्मा गरिने बताए ।
- dhankutapress
