धनकुटा प्रेस सम्वाददाता

काठमाण्डौं/‘समृद्धिको आधार : पूर्ण समावेशी संचार’ भन्ने नाराका साथ  काठमाडौंमा सुरु भएको तेस्रो अन्तर्राष्ट्रिय मातृभाषा पत्रकारिता सम्मेलनमा विभिन्न विधामा प्यानल डिस्कसन एवम वहस हुने भएको छ ।सोमबारदेखि शुरुभएको नेपाल आदिवासी जनजाति पत्रकार महासंघ (फोनिज) संघीय समितिको आयोजना तथा नेवाः पत्रकार राष्ट्रिय दबुको संयोजनमा आयोजित तीनदिने सम्मेलनको कानुन, न्याय तथा संसदीय मामिलामन्त्री सोबिता गौतमले सोमबार उद्घाटन गरे ।समारोहलाई सम्बोधन गर्दै मन्त्री गौतमले लोकतन्त्रलाई बलियो बनाउन मातृभाषा पत्रकारिताको भूमिका महत्वपूर्ण रहेको बताईन। राज्यका सूचना नागरिकले आफ्नै मातृभाषामा प्राप्त गर्न पाउने अवस्था लोकतन्त्रका लागि आवश्यक रहेको उनको भनाइ थियो ।कार्यक्रममा राष्ट्रिय स्वतन्त्र पार्टीका संसद सुरेन्द्र चौधरी, ठाकुरसिंह थारु, नेपाली कांग्रेसका निश्कल राई, नेकपा एमालेका सांसद क्षितिज थेवे लगायत राजनीति दल, पत्रकार जन्य संगठनका प्रमुखहरुको उपस्थिति रहेको छ । आजबाट साउन २७ गतेसम्म हुने सम्मेलनबाट देशभरीबाट ३ सयभन्दा धेरै आदिवासी तथा मातृभाषी पत्रकारहरुको सहभागिता रहेको उक्त सम्मेलनमा २७ देशका ५४ विदेशी पत्रकारहरुको समेत सहभागिता रहने फोनिजका संघीय अध्यक्ष लक्की चौधरीले बताए । सो अवसरमा फोनिजले प्रकाशन गरेको स्मारिका समेत विमोचन गरिएको थियो । 

• dhankutapress