Breaking News
जिल्ला घेदुङ धनकुटाले आगामी फागुण–१२ गते हिलेमा सोनाम ल्होछार मनाउने    ||     ६ सय केजी गाँजा सहित ट्याङ्गकर प्रहरी नियन्त्रणमा    ||     चौतारीको २६ औं स्थापना दिवशमा विरामीलाई फलफूल वितरण    ||     चौबिसे रनिङ्ग कप फुटवल प्रतियोगिताको उपाधि वडा नं.६ राजारानीलाई    ||     धनकुटाको हिलेमा खेलकुद सामाग्री वितरण    ||     आखिरी किन खेपीरहेका छन् हाम्रा देशका ठूला दलका शिर्ष नेताहरुले दुव्र्यावहार ?    ||     राष्ट्रिय पर्वहरुको अवसरमा एमालेको शुभकामना आदनप्रदन कार्यक्रम सम्पन्न    ||     संघीयता, गणतन्त्र, लोकतन्त्र रक्षा गर्न समाजवादी मोर्चा–पूर्व मन्त्रि चेम्जोङ    ||     बुद्विचाल प्रतियोगितामा डंगोल भए जिल्ला प्रथम    ||     निःशुल्क स्वास्थ्य शिविरको दशौ दिन १४२ जनाले पाए उपचार सेवा    ||    

धनकुटाको पर्यटकिय क्षेत्र ध्वजे डाँडामा २२ देशको झण्डा राखियो

  •   १० महिना अघि | ४ असार २०८०, सोमवार

धनकुटा प्रेस अनलाईन सम्वाददाता

धनकुटा/धनकुटाको पर्यटकिय ध्वजे डाँडामा आन्तरिक तथा बाह्य पर्यटकलाई आकर्षित गर्न नेपाल सहित विश्वका २२ देशको राष्ट्रिय झण्डा फहराईएको छ । 

जिल्लाको साँगुरीगढी गाउँपालिका वडा नं. ५ मा रहेको ध्वजे डाँडामा करिब २० फिट उचाइ भएका झण्डाहरु फहराईए हो । झण्डा फहराएपछि ध्वजे डाँडामा छुटै आकर्षण देखिएको छ । 

      जम्मा ६ लाख ३३ हजार १ सय ४ रुपैयाँको लागतमा २२ देशको झण्डा राखिएको हो । जसमा नेपाल पर्यटन बोर्डको ५ लाख, साँगुरीगढी गाउँपालिकाको १ लाख २५ हजार र जनसहभागिता ३५ हजार ६ सय ४ रुपैयाँ लागत रहेको साँगुरीगढी गाउँपालिका ५ का अध्यक्ष खड्गबहादुर लिम्बुले बताए । अन्य पर्यटकिय स्थल भन्दा फरक र आकर्षक बनाउन यो अबधारणा अघि सारिएको लिम्बुको भनाई छ ।

 धनकुटाको साँगुरीगढी गाउँपालिकाप्रदेश  सरकारले प्रदेशकै पर्यटकीय स्थानीय तह घोषित गरेको गाउँपालिका पनि हो । ध्वजे डाँडालाई आकर्षणको केन्द्र बनाई विशेष गरि बाह्य पर्यटक भित्र्याउने लक्ष्य लिएर विभिन्न देशको झण्डा फहराईएको साँगुरीगढी गाउँपालिका अध्यक्ष जितेन्द्र रुम्दाली राईले बताए । यो ठाउँमा विश्वभर रहेका देशको झण्डा फहराउने अभियान रहेको उनको भनाइ छ । ध्वजे डाँडालाई अब नेपालीमा ध्वजे डाँडा र अग्रेजीमा ‘फ्याल्ग हिल’ भन्न सकिने उनको भनाई छ । 

       मिक्लाजुङ पछि महाभारत पहाडको दोस्रो अग्लो डाँडाको रुपमा रहेको ध्बजे डाँडाको उचाई करीब २ हजार मिटर रहेको छ । यस अघि यो क्षेत्रमा एक भ्युटाबर निर्माण गरिएको छ । मौसम खुलेको बेला सुर्योदयको उत्कृष्ट दृष्यबलोकनको साथै हिमालको मनोरम हिमश्रृखला देख्न सकिन्छ ।  


  • Dhankutapress

थप