धनकुटा प्रेस सम्वाददाता
धनकुटा/लिम्वू पत्रकार संघको तेश्रो संघीय महाधिवेशनले सन्देश सुब्बालाई केन्द्रिय अध्यक्षमा सर्वसम्मत चयन गरेको छ ।
लालीगुराँस नगरपालिका तेह्रथुमका प्रमुख अर्जुनबाबु माबोहाङ्गको प्रमुख आतिथ्यमा शुक्रवार सम्पन्न तेश्रो संघीय महाधिवेशनको बन्दसत्रले उपाध्यक्षमा सचितानन्द लिम्वू, महिला उपाध्यक्ष सुजता लिम्वू र महासचिवमा जीवन लिम्वूलाई सर्वसम्मत चयन गरिएको छ । 
त्यसैगरी सचिवमा ज्ञानु केदेम, सम्पदा लिम्वू र कोषाध्यक्ष दिलकुमार फोम्वोलाई चयन गरिएको नवनिर्वाचित अध्यक्ष सन्देश सुब्बाले बताए । त्यसैगरी सदस्यहरमा विना लिम्वू, मौसमी लिम्वू, धनवहादुर लिम्वू, सिंहवहालुर लिम्वू लगायतका गरी जम्मा १७ सदस्य संघीय कार्य समिति चयन गरिएको छ । एक्काइस सदस्सीय संघीय कार्य समितिमा १७ सदस्सीय समिति चयन गरिएको र बाकी पछि मनोनयन गर्ने अध्यक्ष सन्देश सुब्बाले बताए । 
नवानिर्वाचित पदाधिकारी एवं सदस्यहरुलाई लालीगुराँस नगरपािलकाका प्रमुख अर्जुनवावु मावोहाङ्ग, नेपाल पत्रकार महासंघ १ नम्वर प्रदेशका महासचिव हिमा चेम्जोङ्ग, फोनिज १ नम्वर प्रदेशका अध्यक्ष विजयवोध लावती, निवर्तमान अध्यक्ष सन्तवीर लामाले शुभकामना मन्तब्य एवं बधाई ज्ञापन गरेका थिए । 
त्यसैगरी किराँत याक्थुङ्ग चुम्लुङ्ग तेह्रथुमका अध्यक्ष सेसेहाङ्ग चोङ्गवाङ्ग, नेपाल पत्रकार महासंघ तेह्रथुमका अध्यक्ष टिआर सेनेहाङ्ग, सहित्यकार सेसेमी नाल्वो सेरेङ्ग लगायतले नवनािर्वाचित पदाधिकारी एवं सदस्यहरुलाई कार्यकाल सफलताको लागि शुभकामना साथै वधाई ज्ञापन गरेका थिए । कार्यक्रम तेह्रथुम जिल्लाको लालीगुराँस नगरपालिका वसन्तपुरमा निर्माण गरेको पछिल्लो समयमा पर्यटकको आकर्षक गन्तव्य बन्दै गरेको लिम्वूवानको चोःत्लुङ्गपार्कमा आयोजना गरिएको थियो ।
- dhankutapress
