Breaking News
धनकुटाको हिलेमा वुद्ध जयन्तीको अवसरमा औतारी लामाबाट वाङ्ग अभिशेक साथै शान्ति ¥याली सम्पन्न    ||     ‘पहिचानको आन्दोलनलाई बलियो बनाउन पहिचानवादी मोर्चा गठन’–डा.लावती    ||     नेपाल तामाङ घेदुङ प्रदेश नं.४ को अध्यक्षमा राम ब्लोन तामाङ चयन    ||     भीमनारायण गोल्डकप : एपीएफ र विर्तामोड युनाईटेड क्लव झापाविच उपाधिको लागि भिडन्त हुने    ||     भीमनारायण गोल्डकप : एपीएफ फाइनलमा    ||     भीमनारायण गोल्डकप : कडा प्रतिष्पर्धाको विच आयोजक सेमीफाइनलमा    ||     जिल्ला घेदुङ धनकुटाले आगामी फागुण–१२ गते हिलेमा सोनाम ल्होछार मनाउने    ||     ६ सय केजी गाँजा सहित ट्याङ्गकर प्रहरी नियन्त्रणमा    ||     चौतारीको २६ औं स्थापना दिवशमा विरामीलाई फलफूल वितरण    ||     चौबिसे रनिङ्ग कप फुटवल प्रतियोगिताको उपाधि वडा नं.६ राजारानीलाई    ||    

सहिद भीमनारायण श्रेष्ठ गोल्डकपको सम्पूर्ण तयारी पुरा

वैसाख–२३ देखी २९ सम्म संचालन हुने

  •   ४ हप्ता अघि | २२ बैशाख २०८१, शनिबार

धनकुटा प्रेस अनलाईन खवर सम्वाददाता 

धनकुटा/पूर्वी पहाडकै प्रतिष्ठित फुटबल प्रतियोगिता सहिद भीमनारायण गोल्डकपको १६ औं संस्करणको तयारी पूरा भएको आयोजकले जनाएको छ । 

शुक्रबार आयोजक शहीद भीमनारायण श्रेष्ठ स्मृति प्रतिष्ठानले पत्रकार सम्मेलनको आयोजना गरेर आइतबारदेखि सुरु हुने प्रतियोगितामा ए डिभिजनका सहित ८ टिम सहभागी हुने जानकारी दिएको छ । यहि बैशाख २३ गतेदेखि २९ गतेसम्म तल्लो टुँडिखेलमा हुने प्रतियोगितामा ‘ए’ डिभिजनका सहित विभागीय टिम पनि सहभागी हुने आयोजकले जनाएको छ । 

प्रतियोगितामा एपिएफ क्लब काठमाडौँ, फोर स्टार क्लब मोरङ, त्रिभुवन आर्मी क्लब काठमाडौँ र विर्तामोड युनाइटेड क्लब झापा सहभागि हुने छन्। यस्तै राष्ट्रिय जागृति क्लब सुनसरी, बुटवल लुम्बिनी क्लब आयोजक धनकुटा, सल्हेस युथ क्लब सिराहा सहभागी हुने आयोजक समितिका संयोजक शम्भु प्रधानले जानकारी दिए । यो पटक दर्शकको लागि निःशुल्क प्रवेशको व्यवस्था गरिएको उनले बताए ।

प्रतियोगिताको विजेताले नगद ५ लाख र उपविजेताले २ लाख ५० हजार रुपैयाँ सहित ट्रफि मेडल, कप, प्रमाणपत्र हात पार्नेछन । यस्तै सबैभन्दा बढी गोल गर्ने, म्यान अफ द म्याच तथा सर्वोत्कृष्ट खेलाडीले पनि नगद हात पार्नेछन् । २०५५ सालदेखि सुरु प्रतियोगिता केही वर्षको स्थगनपछि २०६३ सालदेखि नियमित सञ्चालन हुँदै आएको छ । तत्कालीन राजा वीरेन्द्र शाहलाई बम प्रहार गरेको आरोपमा २०३५ सालमा मृत्युदण्ड दिइएका सहिद भीमनारायण श्रेष्ठको स्मृतिमा प्रतियोगिता सञ्चालन हुँदै आएको छ । श्रेष्ठलाई सरकारले २०७४ सालमा सहिद घोषणा गरिसकेको छ ।


  • Dhankutapress

थप