धनकुटा प्रेस अनलाईन सम्वाददाता

धनकुटा/लेडी जेसिज धनकुटाको आयोजना र नेपाल नेत्र ज्योती संघ धनकुटा डा. राम प्रसाद आखा अस्पताल धनकुटाको प्राविधिक सहयोगमा वुधवार धनकुटाको जेसिज गाउँमा निःशुल्क आँखा शिविर आयोजना गरिएको छ ।

     धनकुटा उद्योग बाणिज्य संघका अध्यक्ष विजय सन्तोषी राईले उक्त निःशुल्क आँखा शिविरको उद्घाटन गरे । उनले भने–‘मानिसको सवैभन्दा संवेदनशिल र महत्वपूर्ण अंग आँखा भएकोले आँखालाई विशेष ध्यान दिनु पर्छ ।’ उनले आँखाको वारेमा जेसिज मार्फत जनचेतना   जगाउन सके अझ प्रभावकारी हुने बताए ।  

  धनकुटा लेडि जेसिजका अध्यक्ष मुनेका वस्नेतको अध्यक्षतमा संचालन भएको उक्त निःशुल्क आँखा शिविरमा महासचिव मुना पोखरेलले कार्यक्रम संचालन गरेका थिए । कार्यक्रमको महत्वको वारेमा पुर्व अध्यक्ष विसिका श्रेष्ठले जानकारी गराएका थिए । कार्यक्रमा पूर्व अध्यक्ष विसिका श्रेष्ठ, उपाध्यक्ष शोभा श्रेष्ठ, सचिव शोभा राईको सहभागीता रहेको थियो ।

शिविरमा डा. राम प्रसाद आँखा अस्पतालका नेत्र विशेषज्ञ सजल भण्डारीले ५६ जनाको अाँखा परिक्षण गरी उपचार गरेको थिए ।

धनकुटा नगरपालिका वडा नं. ६ का जेसिज गाउँको र पात्ले खोला क्षेत्रका स्थानीय वासिन्दाहरुको अाँखा जाच गरी उपचार गरिएको लेडि जेसिज धनकुटाका महासचिव मुना पोखरेले बताईन । लेडि जेसिज धनकुटाले धनकुटाको वडा नं. ६ को उक्त गाउलाई चार बर्ष अघि जेसिज गाउँको नामाकरण गरी प्रत्येक बर्ष उक्त जेसिज गाउमा विभिन्न समाजिक क्रियाकलापहरु गर्दै आएको पूर्व अध्यक्ष विसिका श्रेष्ठले बताईन ।

• Dhankutapress