धनकुटा प्रेस सम्वाददाता
धनकुटा/धनकुटामा जारी अन्तर विद्यालय फुटबल प्रतियोगिताको आईतबार सम्पन्न फाईनल खेलमा त्रिबेणी माध्यामिक बिद्यालय धनकुटा–७ चुलिबनले उपाधि हात पारेको छ ।
धनकुटाको तल्लो टुडिखेलमा आईतबार सम्पन्न फाईनल खेलमा धनकुटा–१ हिलेमा रहेको मनकामना सेकेण्डरी वोर्डिङ्ग स्कुललाई १ गोलका विरुद्ध २ गोल गरेर उपाधि हात पारेको हो । जितसंगै त्रिवेणी माविले नगद २० हजार, ट्रफि मेडल र प्रमाण हात पारेको छ । त्यसैगरी उप विजेता मनकामना सेकेण्डरी बोर्डिङ्ग स्कुल हिलेले भने नगद १० हजार, ट्रफि मेडल र प्रमाण पत्र प्राप्त गरेको छ ।
निर्धातिर ५० मिनेटको खेलको पहिलो हाफमा त्रिवेणी मावि धनकुटा–७ का खेलाडीहरुले आफ्नो टिमलाई सुन्यको विरुद्ध १ गोलले अग्रता दिलाएको थियो । त्यसैगरी मध्यन्तर पछिको दोश्रो हाफको अतिरिक्त ३ मिनेटको समयमा दुवै टिमले १÷१ गोल गरेपनि जित भने त्रिवेणी मावि धनकुटाका खेलाडीहरुले मनकामना मावि हिलेलाई १ का विरुद्ध २ गोल गरेर जित हात पारेका हुन् । 
न्यू निशान युवा क्लब धनकुटा–७ हुलाकटोलले आयोजना गरेको अन्तर विद्यालय फुटबल प्रतियोगिताको समापन समारोहका प्रमुख अतिथि धनपा वडा नं.७ का वडाध्यक्ष रोशेष श्रेष्ठ, अखिल नेपाल फुटबल संघ कोशी प्रदेस सदस्य रोशन आमत्य, क्लबका अध्यक्ष कुश श्रेष्ठ लगायतलेले विजय टिमलाई नगद, ट्रफि, मेडल र प्रमाणपत्र प्रदान गरेका थिए ।
सो अवसरमा विधागत रुपमा उत्कृष्ठ खेल प्रदर्शन गर्ने खेलाडीहरुलाई पनि पुरस्कार, प्रमाण पत्र प्रदान गरिएको थियो । प्रतियोगितामा धनकुटा नगर क्षेत्रमा रहेका सामुदायिक–३ र संस्थागत ९ वटा गरी १२ वटा विद्यालयका खेलाडीहरुले भाग लिएका थिए ।
- dhankutapress
