धनकुटा प्रेस अनलाईन खवर सम्वाददाता 

धनकुटा/बक्रकुण्ड गोल्ड कपको तेस्रो संस्करणको उपाधी सुनसरीले उचालेको छ । आईतवार भएको फाइनल खेलमा सुनसरीले इलामलाई पेनाल्टी सुट आउटमा ५–४ गोल अन्तरले पराजीत गरेको हो । 

निर्धारीत समयमा दुबै तर्फवाट दुई दुई गोल भएपछि खेल पेनाल्टी सुट आउटमा धकेलिएको थियो । पेनाल्टी सुट आउटमा ईलामका एक खेलाडिको प्रहार गोल पोष्टवाट बाहिरीए पछि ईलाम पराजित भएको हो । प्रतियोगिताको बिजेता टोलिले उपाधि सहित एक लाख रुपैया हात पारेको छ । त्यस्तै उपबिजेता टोलीले ५० हजार रुपैयामा चित्त बुझाएको छ ।  हिलेमा रहेको धार्मिक पर्यटकिय स्थल बक्रकुण्ड मन्दिरको नाममा तिन बर्ष अघिवाट प्रतियोगिता संञ्चालन हुदै आएको छ । 

चैत्र २३ गतेवाट सञ्चालन भएको प्रतियोगितामा धनकुटा सहित कोशी प्रदेशको मोरङ्ग, सुनसरी, झापा ईलाम, संखुवासभा, तेह्रथुम र मधेश प्रदेशको सप्तरी जिल्लाको सहभागीता रहेको क्लवका सचिब अर्जुन शाहिले जानकारी दिए । 

• Dhankutapress