धनकुटा प्रेस अनलाईन खबर सम्वाददाता
धनकुटा/धनकुटा नगरपालिका वडा नं.१ हिलेमा आईतवार विभिन्न खेलकुद सामाग्रीहरु वितरण गरिएको छ ।
नेपाली कांग्रेस धनकुटाका नेता तथा धनकुटा नगरपालिकाका कार्यपालिका सदस्य दिल कुमार राईले धनकुटा नगरपालिकाबाट प्राप्त कार्यपालिका सदस्यहरुको लागी छुट्टयाईको सेवा सुविधाबाट विभिन्न खेलकुद सामाग्रीहरु धनपा–१ हिलेमा वितरण गरिएको नेपाल तरुण दल धनकुटाका अध्यक्ष अमित लो तामाङले बताए ।
धनकुटा जिल्ला समन्वय समिति धनकुटाका प्रमुख निरेन तामाङको प्रमुख आतिथ्यमा सम्पन्न खेलकुद सामाग्री हस्तान्तरण कार्यक्रममा नेपाली कांग्रेस धनकुटाका जिल्ला सचिव विजय सन्तोषी राई, धनकुटा नगर कार्यपालिका कार्यपालिका सदस्य दिल कुमार राई, नेपाल तरुण दल धनकुटका कार्यवहाक अध्यक्ष अमित लो तामाङ, नेपाली कांग्रेस वडा नं. १ का वडा सभापती विर वहादुर तितुङ लगायतले १३ वटा खेलकुद संघ–संस्थाहरुलाई विभिन्न किसिमका खेलकुद सामाग्रीहरु प्रदान गरेका हुन् ।
हिले तेक्वान्दो डोजाङ्ग, हिले ब्याडमिन्टन क्लव, न्यूरोड व्याडमिन्टन क्लव, योङ्ग स्टार बोक्रे बरवोटे, हिले फुटवल क्लव, हिले भलिवल क्लव र हिले क्याम्पसका विद्याार्थी तथा खेलाडीहरुलाई करीव एक लाख भन्दा बढी मूल्यको विभिन्न खेलकुदका सामाग्रीहरु वितरण गरिएको नेपाली कांग्रेस हिलेका सभापती विर वहादुर तितुङले धनकुटा प्रेसलाई बताए । सामाग्री हस्तान्तरण कार्यक्रममा वडा नं. १ का वडा सभापती एवं न्यूरोड हिले टोल विकास संस्थाका अध्यक्ष विर वहादुर तितुङको अध्यक्षतामा सम्पन्न भएको थियो ।
- Dhankutapress