धनकुटा प्रेस अनलाईन खवर सम्वाददाता
धनकुटा/धनकुटाको हिलेमा पर्यटन प्रवद्र्धन तथा स्थानिय व्यापार व्यवसायको प्रचार प्रसार गर्ने उदेश्यले आगामी चैत्र २३ गते देखि हिले महोत्सव हुने भएको छ ।
रामनवमी पर्वको अवसरमा पारेर आयोजना हिले महोत्सव–०८०, फुटवल तथा भलिवल प्रतियोगिता गर्न लागिएको क्लवका अध्यक्ष राजकुमार तामाङ (राजु) ले आईतवार पत्रकार सम्मेलन मार्फत जानकारी दिएका छन् ।
हिले फुटवल क्लवको आयोजनामा हुने लागेको प्रथम हिले महोत्सव २१ दिनसम्म संचालन हुने अध्यक्ष तामाङले वताए । महोत्सवमा ५५ लाख रुपयाँ बराबरको कारोवार हुने अनुमान गरेका छन् ।
त्यसका साथै तेश्रो हिले बक्रकुण्ड आमन्त्रण गोल्डकप तथा अन्तरपालिका स्तरिय भलिबल प्रतियोगिता समेत आयोजना हुने हिले भलिवन क्लवका अध्यक्ष सन्जिव तितुङले जानकारी दिएका छन् । फुटवल प्रतियोगितामा ८ वटा टिमको सहभागिता हुनेछ । प्रतियोगितामा प्रथम हुने टिमले १ लाख नगद, ट्रफी मेडल र प्रमाणपत्र पाउने छन् भने द्धितिय हुनेले ५० हजार नगद मेडल र प्रमाणपत्र पाउने छन् ।
त्यसैगरी अन्तरपालिका स्तरिय भलिवल प्रतियोगितामा प्रथम हुनेले १ लाख, ५० हजार नगद, ट्रफी मेडल र प्रमाणपत्र पाउनेछन् भने द्धितिय हुनेले ७५ हजार नगद, मेडल र प्रमाण पाउने आयोजक संस्थाका अध्यक्ष तितुङले वताए । हिले फुटवल ब्लवको आयोजनामा हुन लागेको गोल्डकप प्रतियोगिताको कुल खर्च १२ लाख र भलिवल प्रतियोगिताको १५ लाख हुने वताइएको छ ।
- Dhankutapress
