धनकुटा प्रेस सम्वाददाता

धनकुटा/धनकुटाको सहिदभुमी गाउँपालिका वडा नं.३ ढोडे हुँदै जाने भित्री सडकमा सनिवार दिउँसो २.३० बजे पिकअप दुर्घटना हुँदा चार यात्रु घाइते भएका छन् ।

सहिदभूमिको ढोडेबाट गुर्धुमतर्फ मालसामन र यात्रु लिएर जाँदै गरेको को १ ज २२९५ नं को पिकअप आफै अनियन्त्रित भई सडकबाट करिब २ सय मिटर तल खसेर दुर्घट्ना भएको जिल्ला प्रहरी कार्यालय धनकुटाले जनाएको छ ।

इलाका प्रहरी कार्यालय छिन्ताङ्गका प्रहरी निरीक्षक विकास राईको कमाण्डमा खटिएको टोलीले घाइतेको उद्धार गरेको थियो । दुर्घटनामा सहिदभुमि १ का २१ वर्षीय चालक पुर्ण राई र सहिदभूमि  वडा नं.२ की ३५ वर्षीया मीना तामाङ गम्भीर घाइते भएको जनाईएको छ ।

उनीहरुको जिल्ला अस्पताल धनकुटामा प्राथमिक उपचार पश्चात धरानस्थित वीपी कोइराला स्वास्थ्य विज्ञान प्रतिष्ठानमा थप उपचारका लागि पठाइएको छ । यस्तै, अन्य घाइतेहरुमा १६ वर्षीय अमित राई र अबिन राई रहेका छन् । उनीहरुको हिलेस्थित पोलिक्लिनिकमामा उपचार भइरहेको छ ।

• dhankutapress