धनकुटा प्रेस सम्वाददाता 

धनकुटा/आउने भदौ ६ गते हुन गइरहेको उद्योग वाणिज्य संघ धनकुटाको निर्वाचनका लागि होटल व्यवसायी राम रायमाझीको प्यानलले चुनावी प्रतिवद्धता सहित आफ्नो प्यानल सार्वजनिक गरेको छ ।

नेपाल पत्रकार महासंघ धनकुटाको सभाहलमा पत्रकार सम्मेलन गरेर आफ्नो चुनावी प्रतिवद्धता सहित प्यानलको उम्मेदवारी सार्बजनिक गरेको हो । पत्रकार सम्मेलनमा अध्यक्षका प्रत्यासी उम्मेदवार राम रायमाझीले आफ्नो विभिन्न १५ वटा प्रतिवद्धता सहितको घोषणापत्र सार्वजनिक गरेका छन् । रायमाझीले उक्त १५ वटा घोषणापत्रमा सार्वजानिक गरेका प्रतिवद्धता आगामी वर्षभित्रमा पुरागर्ने दावी गरेका छन् ।

पत्रकार सम्मेलनमा सार्वजाकि गरिएको प्रतिवद्धता सहितको चुनावी घोषणापत्रमा हरेक व्यवसायीको घरघरमा नै गएर सदस्य नवीकरण गर्ने जनाएका छन् । सबै क्षेत्रका सबै समुदायको समान प्रतिनिधित्व गर्ने, व्यवसायीक क्षेत्रहरू होटल पर्यटषयहरू समेटेका छन् । 

उद्योग वाणिज्य संघ धनकुटामा १९ पदको लागि भइरहेको प्रतिस्पर्धामा एक महासचिव सहित सात जना सदस्यहरु यसअघि नै सर्वसहमतले निर्विरोध निर्वाचित भइसकेका छन । अध्यक्षका उम्मेदवार राम रायमाझी लामो समयदेखि होटल व्यवसायमा आबद्ध रहेका छन् ।  उपछिल्लो समयमा पर्यटकिय नगरी हिले वजार र धनकुटा वजारमा होटल व्यवसाय सञ्चालन गरिरहेका छन् । पत्रकार सम्मेलनमा अध्यक्ष विजय सन्तोषी राई, धनपा–७ का वडाध्यक्ष एवं पुर्व उद्योग वाणिज्य संघ धनकुटाका कोषाध्यक्ष रोशेष श्रेष्ठ, पत्रकार महासंघका अध्यक्ष विदुर खवास लगायतले शुभकामना मन्तव्य व्यक्त गरेका थिए ।

         यस अघि कृष्णराज श्रेष्ठले पनि आफ्नो प्रतिवद्धता सहित प्यानल सार्वजनिक गरिसकेका छन् । संघमा हाल ४३२ व्यवसायी सदस्य आबद्ध रहेका छन ।

• dhankutapress