धनकुटा प्रेस अनलाईन खबर सम्वाददाता 

धनकुटा/धनकुटाको चौविसे गाउँपालिका ६ राजारानीमा जारी प्रथम अन्तराष्ट्रिय आमन्त्रण रारा भेट्रान गोल्डकप फुटबल प्रतियोगितामा बुधबार सेमिफाइनल खेल सम्पन्न भएका छन् । 

बुधबार सम्पन्न भएको पहिलो सेमिफाइनल खेलमा दुधे भेट्रान झापालाई हाम्रो इटहरी भेट्रान सुनसरीले ० का विरुद्ध  ३ गोलले हराउँदै फाइनलमा प्रवेश गरेको छ । यस्तै विराट मेघा भेट्रान विराटनगर र बेर्मियोक नाम्फिङ भेट्रान सिक्किम भारतका बिच दोस्रो सेमिफाइनल खेलमा सिक्किम विजयी हुँदै फाइनलमा प्रवेश गरेको छ।  सिक्किमले विराटनगरलाई ० का विरुद्ध २ गोलले पराजित गरेको हो । 

प्रतियोगिताको फाइनल खेल बिहीबार (आज) हुने र प्रतियोगिताको प्रथम पुरस्कार नगद १ लाख ट्रफी मेडल प्रमाणपत्र र दोस्रो पुरस्कार नगद ५० हजार ट्रफी मेडल प्रमाणपत्र रहेको आयोजकले जनाएको छ । रारा भेट्रान फुटबल क्लबको आयोजनामा राजारानी खेल मैदानमा प्रतियोगितामा आयोजक सहित सुनसरी, मोरङ, झापा सहित भारतको सिक्किमका गरि ८ वटा भेट्रान क्लबको सहभागीता रहेको थियो । 

• Dhankutapress