धनकुटा प्रेस सम्वाददाता

धनकुटा/बिरगजं युनाइटेड धनकुटामा जारी सहिद भीमनारायण गोल्डकप फुटवल प्रतियोगीताको फाइनल प्रबेश गरेको छ । 

सोमबार धनकुटा स्थित तल्लो टुडिखेलमा भएका खेलमा बिरगंज युनाइटेडले झापा फुटवल क्लवलाई विरगंज युनाइटेडले १–० गोल अन्तरले पराजीत गरेको हो । निक्कै प्रतिस्पर्धात्मक खेलमा बिरगंजको लागि खेलको २५ औ मिनेटमा जर्सी नं.११ का टिम क्याप्टेन अम्मर डंगोलले निर्णयक गोल गरे । बाँकी समयमा दबै पक्षवाट गोल गर्ने सुन्दर अबसर बनेपनि हुन नसकेपछि बिरगजं बिजयी भएको हो । 

आजको खेलमा बिरगंजको टिम क्याप्टेन अम्मर डंगोल म्यान अफ द म्याच घोषित भए । उनले नगद ४ हजार प्राप्त गरे । प्रतियोगिता अन्तरगतको फाइनल खेल मंगलबार हुने छ । मंगलवार हुने फाइनल खेलमा बिरगंज युनाइटेडले काठमाण्डौ प्लानिङ ब्वाइजको सामना गर्नेछे । बिजेता टोलिले उपाधि सहित नगद पाँचलाख रुपैया हात पार्नेछ भने उपबिजेता टोलिले दुइ लाख पचास हजारमा चित्त बुझाउने छ ।  

• Dhankutapress