धनकुटा प्रेस सम्वाददाता
धनकुटा/धनकुटा नगरपालिका वडा नं.–६,स्थित वाघेखोलमा रहेको धर्मगंगा तथा कैलाशनाथ धाम मन्दिर परिषरमा आयोजना गरिएको श्रीमद्मत्स्यमहापुरणबाट १ लाख ६७ हजार २ सय ९० रुपौया नगद संकलन भएको छ ।
शुक्रकार पुराण आयोजक राधारानी मिलिजुली महिला समूहले पत्रकार सम्मेलन आयोजना गरेर पुराणको आयव्याय प्रस्तुुत गर्दै रकम संकलन बारे जानकारी गराएको हो । गएको जेठ ६ देखी १३ गते सात दिनसम्म राधारानी महिला समूहको अयोजना र धर्मगंगा तथा कैलाशनाथ धाम विकास समितिको समन्वयमा धाममा सामुदायिक भवन निर्माणका लागि श्रीमद्मत्स्यमहापुरणको अयोजन गरिएको थियो । 
उक्त पुराणमा विभिन्न कार्यालयहरु, संघ, संस्थाहरु, भक्तजन लगायतबाट ७ दिनमा संकलित जम्मा ७ लाख ६२ हजार ९५ रुपौया आम्दानी भएको महिला समूहकी अध्याक्ष निरुता कटुवालले जानकारी दिईन् । जसमध्ये ५ लाख ८५ हजार ८ सय ५ रुपौयाँ खर्च भएको र १ लाख ७६ हजार २ सय ९० रुपौयाँ बचत भएको बताईन । उनका अनुसार गुरु दक्षिणा, खाद्यन्न, टेण्ड तथा साउण्ड सिस्टम, ईन्धन, यातायात, व्यानर रसिद, संचार, व्यवस्थापन, पुजा समाग्री खरिद र विविध गरी माथिउल्लेखित रकम खर्च भएको आयोजकले जनाएको छ । त्यस्तै धर्मगंगा धाममा सामुदायिक भवन निर्माणका लागि आयोजना गरिएको पुराणमा विभिन्न क्षेत्रमा आवद्ध तथा समाजिक व्यक्तिहरुले नगद र जिन्सी समाग्री समेत सहयोग गरेको बताइएको छ ।
धनकुटा नगरपलिकाका वडा नं.–६ समाजसेवी गोपाल कटुवाल, दिवाकर दाहाल, कमल कार्की र धनकुटा नगरपालिका वडा नं.–९ का दिपक रायमाझीले व्याक्तिगत तर्फबाट भवन निर्माणका लागि एकएक वटा कोठा निर्माण गरीदिने बताईएको छ । त्यसैगरी नारायण विश्वकर्माले भवन निर्माणका लागि ५१ हजार बराबरको निर्माण सामग्री खरिद र नगद ११ हजार १ सय रुपैयाँ र अभिमाया चापागाईले ५० हजार बराबरको निर्माण सामग्री र २५ सय रुपौयाँ नगद सहयोग गरेको बताईएको छ ।
- dhankutapress
