धनकुटा प्रेस सम्वाददाता
धनकुटा/धनकुटाको महालक्ष्मी नगरपालिका वडा नं. ७ माथिल्लो आन्द्रुरुङबाट प्रहरीले रुद्राक्ष र सखुवा जातको अवैध काठ बरामद गरेको छ ।
प्रहरीले विशेष सूचनाको आधारमा रुद्राक्ष र सखुवा जातको काठसहित प्र.१–०–२–००३ त १७४४ नम्बरको ट्याक्टर र चालक महालक्ष्मी नगरपालिका वडा नं. ७ जितपुरका २९ बर्षिया विजय दर्जीलाई प्रहरीले नियन्त्रणमा लिएको छ । प्रहरीले ट्याक्टरमा सालको चिरान काठ ६० थान अर्थातत ६९.१९ क्यूफिट फेला पारेको छ ।
ट्याक्टरमा प्रहरीले सालको बाकल १४ थान र रुद्राक्षको चिरान काठ १७ थान अर्थात ८.६९ क्यूफिट बरामद भएको धनकुटाका प्रहरी प्रवक्ता डीएसपी हेमन्त भण्डारीले जानकारी दिए । प्रहरीले काठसहित ट्याक्टर र चालकलाई कारवाहीका लागि मंगलवार डिभिजन बन कार्यालय धनकुटामा बुझाएको छ ।
- dhankutapress
