धनकुटा प्रेस सम्वाददाता
धनकुटा/धनकुटाको साँगुरीगढी गाउँपालिका–६ चारखोले गोलाईस्थित कोशी लोकमार्गमा यात्रुवाहक बस दुर्घटना हुँदा तीन यात्रु घाइते भएका छन ।
जिल्ला प्रहरी कार्यालय धनकुटाका अनुसार आइतबार बिहान करिब ११ः१५ बजे धरानबाट तेह्रथुमतर्फ जाँदै गरेको को १ ख ५१०५ नम्बरको बस अनियन्त्रित भई सडकको छेउमा दुर्घटनामा परेको हो ।
दुर्घटनाको भएको थाहा भएपछि इलाका प्रहरी कार्यालय भेडेटारबाट प्रहरी टोली घटनास्थलमा पुगेको थियो । दुर्घटनामा तेह्रथुमको छथर गाउँपालिका–१ की ११ वर्षीया नुमा लिम्बू, छथर गाउँपालिका–४ का ६९ वर्षीय कविराज थापा र सोही ठाउँकी ५६ वर्षीया शुकमाया लिम्बू घाइते भएका छन ।उनीहरूको शरीरमा चोट लागेको र अवस्था सामान्य रहेको जिल्ला प्रहरी कार्यालय धनकुटाका प्रवक्ता डीएसपी हेमन्त भण्डारीले बताए । घाइते तीनै जनालाई उपचारका लागि बीपी कोइराला स्वास्थ्य विज्ञान प्रतिष्ठान, धरान पठाइएको छ । अन्य घाईते समान्य रहेको प्रहरीले जनाएको छ ।
- dhankutapress
