धनकुटा प्रेस सम्वाददाता
धनकुटा/रुद्राक्षव्यवसायी संघ धनकुटाको सनिवार सम्पन्न तेश्रो जिल्ला अधिवेशनले यूवा व्यवसायी नरेश पाख्रीनलाई सर्वसम्मत रुपमा संघको धनकुटा जिल्ला अध्यक्षमा चयन भएका छन् ।
संघका केन्द्रिय अध्यक्ष मनोज चापागाँईको प्रमुख आतिथ्यमा सम्पन्न तेश्रो जिल्ला अधिवेशनको वन्द सत्रले सर्वसम्मत रुपमा नरेश पाख्रीन जिल्ला अध्यक्षमा चयन भएका हुन् । त्यसैगरी जिल्ला उपाध्यक्षहरुमा चक्रा राई, निशान मगर, सनम नेवाःखड्गीलाई चयन गरिएको छ । त्यसैगरी महासचिवमा राजेन्द्र राई, उप-महासचिवमा रुद्र कार्की र सचिवमा अर्जुन राईलाई चयन गरिएको छ । 
त्यसैगरी संघको जिल्ला कोषाध्यक्षमा विक्रम लिम्वूलाई चयन गरिएको छ । संघको १७ सदस्यीय जिल्ला कार्य समितिको सदस्यहरुमा टंक यस्माली मगर, देवेन्द्र गुरुङ्ग, राजन राई, जितवहादुर राई, सुमन राई, पवित्रा लुम्वा लिम्वू, नरवहादुर मगरलाई चयन गरिएको छ । वाँकी २ जना जिल्ला सदस्यहरु भने भूगोल हेरेर पछि मनोनयन गर्ने नवनिर्वाचित अध्यक्ष नरेश पाख्रीनले जानकारी दिएका छन् ।
नवनिर्वाचित अध्यक्ष नरेश पाख्रीनको अध्यक्षतामा सम्पन्न संघको तेश्रो जिल्ला अधिवेशनको उद्धघाटन सत्रमा वोल्दै केन्द्रिय अध्यक्ष एवं उद्धघाटन सत्रका प्रमुख अतिथि मनोजकुमार चापागाँईले रुद्राक्षको बजारिकरण र व्यवसायीकरण संघको मुख्य उदेश्य भएको बताएका छन् । उनले नेपालको ७ प्रदेश मध्ये कोशी प्रदेशको संखुवासभा, भोजपुर र धनकुटा जिल्लामा रुद्राक्ष अत्याधिक मुक्दार फल्ने बताए । धेरै राम्रो मुक्दार रुद्राक्ष दाना फल्ने जिल्ला भनेर नेपालमा मात्र नभएर विश्वमा मै चिनिएको जिल्ला संखुवासभा, भोजपुर र धनकुटा रहेको अध्यक्ष चापागाँईले दावी गरे । 
उनले रुद्राक्ष दाना उत्पादन गर्ने किसानहरुले आफ्नो दर्ता श्रेस्ता कायमगरी उत्पादन गरेकाले दाना व्यवसायमा कर नगलाग्ने बताए । उनले त्यसको अतिरिक्त नेपाल सरकारले कृषि उपज स्वसरह कर नलाग्ने गरी नेपाल सरकारले २०७२ सालमै सम्वोधन गरी सकेकाले ढुक्कले रुद्राक्ष व्यवसायीहरुलाई व्यवसाय गर्न आग्रह गरे ।
सो अवसरमा रुद्राक्ष व्यवसायी संघ कोशी प्रदेसका अध्यक्ष राजकुमार घिमिरे, प्रदेस सहसचिव सुरेश श्रेष्ठ, सल्लाहकार अर्जुन निरौला लगायतले सम्वोधन गरेका थिए । जिल्ला भेलामा धनकुटाका विभिन्न पालिकाका करिव डेडदर्जन रुद्राक्ष व्यवसायी यूवाहरुको उपस्थिति रहेको थियो ।
- dhankutapress
