धनकुटा प्रेस अनलाईन खबर सम्वाददाता 

धनकुटा/धनकुटाको छथरजोरपाटीमा स्थानिय खेलाडीहरुलाई खेल मैदान तथा कबर्डहल नहुँदा विभिन्न प्रतियोगिता संचालन गर्न र खेल खेल्न समश्या हुँदै आएको छ ।

कबर्डहल नहुँदा स्थानिय खेलाडीहरु बषौं देखी खुल्ला आकाशमा विभीन्न खेलकुद प्रतियोगिताहरु सञ्चालन गर्दै आएका थिए । कबर्डहल भन्दा पनि सामुदायिक भवनको रुपमा विकास गरी बहुउदेश्य सामुदायिक भवन बनाउने उदेश्यका साथ काम सुरु गरीएको छथरजोरपाटी गाउँपालिकाका प्रमुख प्रशासकीय अधिकृत जितमान जिमीले बताए ।

उनले गाउँपालिका कार्यलय नजिकै निमार्ण सुरु गरीएको बकर्डहलको काम तिब्र रुपमा भईरहको बताए । गाउँपालिकाले खेलकुदको विकासको निम्ती रकम विनियोजन गरी हल निमार्ण गरेसँगै स्थानिय खेलाडीहरुलाई विभिन्न खेलकुदका प्रतियोगिता संचालन गर्न सहज हुने प्रमुख प्रशासकिय अधिकृत जिमिको भनाई रहेको छ । 

ब्याडमिटन,उस्सु, कराँत, टेबलटेनिसे लगायतका विभिन्न खेलकुद कार्यक्रमहरु कबर्डहल नहुँदा हावाहुरीको समयमा खुल्ला आकासमा सञ्चालन गर्न समस्या हुँदै आएको थियो । अत्याधुनिक कबर्डहल निमार्ण भएसँगै स्थानिय खेलाडीहरुले बषौं देखी भोग्दै आएको खुल्ला आकास मुनि खेलकुदका प्रतियोगिता संचालन गर्नु पर्ने समस्याबाट चाँडै मुक्त हुने आशा गरीएको छ ।

• Dhankutapress