धनकुटा प्रेस अनलाईन सम्वाददाता
धनकुटा/भैरब यम्फुको अध्यक्षतामा ११ सदश्य नयाँ कार्यसमिती चयन गर्दै हिले बेडमिन्टन क्लबको पाँचौ साधारणसभा सनिवार सम्पन्न भएको छ ।
क्लवको उपाध्यक्षमा राम प्रधान, सचिबमा सन्तोस श्रेष्ठ, सह–सचिबमा पेम्वा लामा र कोषध्यक्षमा आशिस तामाङ रहेका छन् । त्यस्तै सदस्यहरुमा श्रीओम श्रेष्ठ, सन्तोस राणा, कुमार तितुङ, शिव कार्की, अरुणा तामाङ र प्रमिला बरुवाल ठकुरी रहेका छन् ।
कार्यक्रमको उद्घाटन गर्दै धनकुटा नगरपालिकाका मेयर चिन्तन तामाङले गरेका थिए । कार्यक्रममा बोल्दै मेयर तामाङ खेलकुद स्वास्थ्य र राष्ट्र दुबैको लागि भएकोले धनकुटा नगरमा सञ्चालन हुने जुनसुकै खेलकुदका गतिबिधिमा नगरपालिकाले सहयोग गर्ने बताए ।
कार्यक्रममा क्लबका सदस्य सहित हिलेका बिभिन्न ब्यक्तित्व तथा स्थानियबासीको उपस्थिति रहेको थियो । यो क्लबले बेडमिन्टन खेल सहित रक्तदान वृक्षारोपण लागायतका बिभिन्न सामाजिक काम समेत गर्दै आएको सस्थाका सचिब सन्तोस श्रेष्ठले बताए ।
सोहि अबसरमा क्लबले क्लबलार्य आर्थिक एवं भौतिक सहयोग पुर्याउने विभिन्न महानुभावहरुलाई सम्मान समेत गरेको छ । सम्मानित हुनेमा बितरक संघ धनकुटाका अध्यक्ष कृष्णराज श्रेष्ठ, जुनु चियाबारीका म्यानेजर राजेश कट्वाल रहेका छन् । उनीहरुलाई दोसल्ला र प्रमाणपत्रले सम्मान गरिएको हो ।
- Dhankutapress
