धनकुटा प्रेस सम्वाददाता
धनकुटा/नेपाल निर्माण व्यवसायी महासंघ (क्यान) नेपालका पुर्व केन्द्रिय अध्यक्ष सरद कुमार गौचनको ८ औं स्मृतिसभा धनकुटामा मनाइएको छ । निर्माण व्यवसायी संघ धनकुटा शाखाको आयोजनामा स्वर्गिय गौचनको सम्झनामा स्मृति दिवश मनाइएको हो ।
निर्माण व्यवासयी संघ धनकुटा शाखाका अध्यक्ष प्रकास थुलुङ्गको अध्यक्षतामा सम्पन्न स्मृति सभामा स्वर्गिय गौचनको तस्विरमा माल्यार्णपण गर्नुको साथै एक मिनेट मौनधारण समेत गरिएको थियो । सहभागीहरुले स्वर्गिय गौचनले नेपालको निर्माण व्यवसायको क्षेत्रमा पुर्याएको योगदानको चर्चा गरिएको थियो । 
स्मृति सभामा अग्रज निर्माण व्यवसायी एवं धनकुटाका सल्लाहकार सञ्चमान लिम्वू, भवानी शंकर चाम्लीङ्ग, महासचिव मनोज राई, उपाध्यक्ष यज्ञ एवाई राई, अग्रज हर्कवहादुर राई, भूपालसिं राई, कुल वहादुर राई, कमल राई, विचारसिं राई, चन्द्रसिं नेम्वाङ्ग लगायत निर्माण व्यसायीहरुको उपस्थिति रहेको थियो ।
- dhankutapress
