धनकुटा प्रेस सम्वाददाता 

राप्ती/नेपाल आदिवासी जनजाति पत्रकार महासंघ (फोनिज) लुम्बिनी प्रदेशको राप्ती गाउँपालिकाको सभा हल देउखुरी दाङमा सम्पन्न तेस्रो प्रादेशिक महाधिवेशनबाट प्रमवहादुर राज्मा मगर (दाङ) निर्वाचित भएका छन् । 

आईतवार सम्पन्न प्रादेशिक महाधिवेशनको बन्दसत्रले उपाध्यक्षमा जेवी दर्लामी (अर्घाखाँची) महिला उपाध्यक्ष वन्दना घर्ति (रोल्पा), महासचिवमा सनु थापा मगर (रुपन्देही), सचिवमा सुजल श्रेष्ठ (प्यूठान) र कोषाध्यक्षमा भरतराम थारु (बाँके)  रहेको छन् । 

त्यसैगरी सदस्यहरुमा दिपक कुमाल (दाङ्ग), दिलवहादुर गाहा (पाल्पा), निर्मला थापा (रुपन्देही), पुरन राकस (गुल्मी) र छाँया पुन मगर (रोल्पा) रहेका छन् । वाँकी सदस्य पदहरुमा विधान वमोजिम पछि पदपुर्ति गर्ने वनािर्वचित अध्यक्ष प्रेमवहादुर राज्मा मगरले जानकारी दिएका छन् । त्यसैगरी संघीय प्रतिनिधिमा गजेन्द्र गुरुङ्ग,प्रतिज्ञा वुढा मगर र प्रेमवहादुर राज्मा रहेका छन् । 

फोनिजको आठौं संघीय महासधिवेशन यहि आउँदो चैत्र २९ र ३० गते लुम्विनीमा सम्पन्न हुन गइरहेको छ । संघीय महाधिवेशनको पुर्वसन्ध्यामा लुम्बिनी प्रदेशको प्रादेशिक महाधिवेशन सम्पन्न हुनले अर्थ राख्ने भएको छ । फोनिजका संघीय अध्यक्ष गजुरधन राईले फोनिजको आठौं संघीय महाधिवेशन नजिकीदै गर्दा सातै प्रदेशमा प्रादेशिक महाधिवेशन, ६६ जिल्लामा जिल्ला अधिवेशन, ८ वटा एकल जातिय पत्रकार संघहरुको राष्ट्रिय महाभिवेशन र ८ वटा विदेश शाखाहरुमा शाखा अधिवेशन सम्पन्न भएको बताएका छन् । उनले लुम्बिनीमा सम्पन्न हुन गईरहेको फोनिजको आठौं संघीय महासधिवेशनको सम्पूर्ण तयारी पुरा भएको बताएका छन् । 

• dhankutapress