धनकुटा प्रेस सम्वाददाता

धनकुटा/कृषि तथा पशुपक्षी बिकास मन्त्री रामनाथ अधिकारीले नार्क अहिले बिसम परिस्थीतीमा रहेको बताएका छन् । 

राष्ट्रिय कृषि अनुसन्धान परिषद् नार्क अन्तरगत धनकुटामा रहेका कार्यलयहरुको वुधवार अनुगमन गर्दै मन्त्री अधिकारीले बिसम परिस्थीतीकै बिच सकेसम्म जनतालाई राम्रो सेवा प्रवाह गर्न कर्मचारीलाई निर्देशन दिए । उनले अहिले कर्मचारी समस्यासँग जुधिरहेको नार्कमा सधै यो समस्या नरहने समेत बताए ।

मन्त्री अधिकारीले धनकुटामा रहेको राष्ट्रिय कृषि अनुसन्धान केन्द्र पाख्रिवास, राष्ट्रिय बङ्गुर अनुसन्धान कार्यक्रम, राष्ट्रिय ब्यबसायीक अनुसन्धान कार्यक्रय तथा राष्ट्रिय सुन्तलाजात अनुसन्धान कार्यक्रम पारिपात्लेको स्थलगत अनुगमन गरे । अनुगमनको क्रममा सबै कार्यलयका प्रमुखले कार्यलयको अबस्था तथा अहिलेसम्म भएको प्रगितीको बारेमा जानकारी गराएका थिए । सो अवसरमा सरोकारवाला कार्यालयका प्रमुख एवं प्रतिनिधिहरु, स्थानिय सामाजिक संघ–संस्थाका प्रमुख एवं प्रतिनिधिहरुको उपस्थिति रहेको थियो ।

• dhankutapress