धनकुटा प्रेस सम्वाददाता

धनकुटा/नेपाल पूर्व प्रहरी संगठन जिल्ला कार्य समिति धनकुटाले संस्थाको ३५ औं स्थापना दिवस विविध कार्यक्रमको आयोजना गरि आईतबार मनाएको छ । 

पुर्व प्रहरी संगठनका केन्द्रिय सदस्य हर्कनारयण राईको प्रमुख आतिथ्यमा सम्पन्न ३५ औं स्थापना दिवस विविध कार्यक्रमको आयोजना गरि मनाइएको हो । सो अबसरमा बोल्दै पुर्व जिल्ला अध्यक्ष समेत रहेका राईले भने–‘कार्यक्रममा निम्तो गरेर पनि वहालवाला प्रहरी संगठन जिल्ला प्रहरी कार्यालय धनकुटाबाट नआएको प्रति मेरो गम्भिर आपत्ति छ ।’ उनले भने–‘हामीले जीवनको सारा उर्वर समय प्रहरी संगठनमा विताएका छौं, तर आज त्यहि संगठनबाट हामी माथि किन वेवास्था गर्दै छन् ।’ उनले प्रहरी प्रमुख नै नआएपनि एक जना प्रतिनिधि पठाई दिएको भएपनि हामी पुर्व प्रहरीहरुको चित्त वुझाउने ठाउँ हुन्थ्यो भन्दै आपत्ति जनाएका हुन् । उनलले थपे–‘उहाँहरु पनि जागिर आउनजेल मात्र हो भोली अवकास प्राप्त गरेपनि आउने त पुर्व प्रहरी संगठन नै हो भन्दै समयमै विचार पु¥याउन अपिल गर्दछु ।’  कार्यक्रमका विशेष अतिथि जिल्ला प्रशासन कार्यालय धनकुटाका सहायक प्रमुख जिल्ला अधिकारी खगेन्द्र प्रसाद सुवेदीले पुर्व प्रहरीहरुको समाज रुपान्तरण ठूलो भूमिका हुने बताए । उनले पुर्व प्रहरीहरुसंग समाजमा शान्ती, अमनचयन कसरी कायम गर्ने गराउने भन्ने वारे धेरै ज्ञान हुने बताए । पूर्व प्रहरीहरुबाट समाजले धेरै कुरा अनुशरण गर्न सक्ने भन्दै पुर्व प्रहरीहरुको संगठनलाई सशक्त बनाउनु आजको आवश्यक्ता रहेको सहायक प्रजिअ सुवेदीले औंल्याए । पुर्व प्रहरी संगठन धनकुटाका अध्यक्ष डम्बर कटुवालको अध्यक्षतामा समपन्न ३५ औं स्थापना दिवसको अवसरमा आयोजित शुभकामना आदन प्रदान कार्यक्रममा उद्योग बाणिज्य संघ धनकुटाका अध्यक्ष विजय सन्तोषी राई, नेपाली सेनाको पुर्व मेजर बलवहादुर थापा, भूपू सैनिक संघ धनकुटाका उपाध्यक्ष होमप्रसाद अधिकारी, नागरिक समाज धनकुटाका अध्यक्ष सुन्दरवावु श्रेष्ठ, शिक्षक संगठन धनकुटाका अध्यक्ष देववहादुर खड्का, फोनिज १ नं. प्रदेस समितिका निवर्तमान अध्यक्ष एवं पत्रकार महासंघ धनकुटा शाखाका सल्लाहकार सन्तवीर लामा लगायतले शुभकामना व्यक्त गरेका थिए ।सो अवसरमा जेष्ठ पूर्व प्रहरी धनकुटा नगरपालिका वडा नं.१ निवासी प्रेमवहादुर मोक्तान तामाङलाई दोसल्ला ओडाएर सम्मान गरिएको थियो ।    

• dhankutapress