धनकुटा प्रेस सम्वाददाता

धनकुटा/ धनकुटा नगरपािलका वडा नं.६ कचिडेका वर्ष ४२ का रामवहादुर भूजेल मृत फेला परेका छन् । आइतवार विहान करिव ६ वजेको समयमा धनकुटा वहुमुखी क्याम्पस परिसरमा रहेको भोगटेको बोटमा डारीको पासो लगाई झुण्डिएको अवस्थामा भूजेल मृत फेला परेका हुन् । 

मजदुर काम गरेर परिवार पाल्दै आएका रामवहादुर विहानै घाँस काट्न भनेर घरबाट निस्किएको उनका परिवारले बताएका छन् । घाँस काट्न निस्किएका रामवहादुरले एका विहानै किन भोगटेको बोटमा झुण्डिए भन्ने कारण खुलेको छैन । उनी झुण्डिएको सवै भन्दा पहिले धनकुटा क्याम्पसका प्राध्यापक जीवन मिश्रले देखेका थिए । घट्ना पछि उनले प्रहरीलाई खवर गरेका थिए । 

जिल्ला प्रहरी कार्यालय धनकुटाबाट गएको प्रहरीको टोलीले घट्ना स्थलमा पुगेर सर्जिमिन मुजुल्का गरेर भूजेलको लास पोष्टमार्टम गर्न जिल्ला अस्पताल धनकुटा ल्याएको छ । घट्नाको विषयमा अनुशन्धान भईरहेको प्रहरीले जनाएको छ । मृतक भूजेलको एक श्रीमती, एक छोरा, एक छोरी छन् । 

• dhankutapress