धनकुटा प्रेस सम्वाददाता
धनकुटा/तेह्रथुमको शुक्रवारेबाट झापाको दमक तर्फ आईरहेको यात्रुवाहक वस शुक्रबार ११.४५ वजे धनकुटा नगरपालिका वडा नं.१ त्रिशुलेमा दुर्घटनामा परेको छ ।
को १ ख ५१०५ नम्वरको मनिषा ट्राभल्स नामको यात्रुवाहक वस दुर्घटना हुँदा ६ जना घाईते भएका छन् । घाईतेहरुको हिले स्थित् सामुदायिक पोलिक्लिनिक र उज्यालो पोलिक्लिनिकमा उपचार भईरहेको हिले प्रहरी चौकीका इन्चार्ज चिरिन्जिबी खड्काले जानकारी दिएका छन् । 
दुर्घटनामा परी घाईते हुनेहरुमा तेह्रथुम जिल्ला लालीगुराँस नगरपालिका वडा नं.२ वस्ने वर्ष ५३ का रेवान्त कामी, छथर गाउँपालिका वडा नं. ४ वस्ने वर्ष २३ का रविन लिम्वू, वर्ष २२ का राज लिम्वू रहेका छन् । त्यसैगरी छथरजोरपाटी गाउापालिका वडा नं.५ वस्ने वर्ष २८ का मुना रुचाल, सोही स्थान वस्ने ५ वर्षिया बालक निक्खि रुचाल रहेका छन् ।
त्यसैगरी धरान उपमहानगरपालिका वडा नं.५ वस्ने वर्ष ४७ का चन्द्रकला लिम्वू रहेका छन् । वसका चालब धरान उपमहानगरपालिका वडा नं.७ वस्ने वर्ष ४५ का विष्णु थापालाई हिले प्रहरी चौकीले नियन्त्रण्मा लिएको छ । यात्रुवाहक वसमा जम्मा १५ जना सवार थिए । 
- dhankutapress
