धनकुटा प्रेस सम्वाददाता 

धनकुटा/खेलकुद क्षेत्रलाई विकास र विस्तार गर्ने उदेश्यले धनकुटा स्थित् भिमदल गणमा वाहिनी पति ट्रफि प्रतियोगिता–०७९ संचालन भैरहेको छ । 

पौष १ गते शुरु भएको प्रतियोगिता आगामी पौष १२ गते सम्पन्न हुने भिमदल गण सल्लेरी व्यारेक धनकुाटका गणपति सुमन थापाले वताएका छन् । प्रतियोगितामा प्रदेश नं.१ अन्तरगतका कृष्ण दल गण, फष्ट राईफल गण, भिमदल गण, भैरव गण, नयाँ भैरवी दल गुल्म र सत्रुमर्दन गुल्ममा कार्यरत नेपाली सेना अन्तर्गतका खेलाडीहरुले तेक्वान्दो र वक्सिङ्ग खेलमा प्रतिष्पर्धा गरिरहेका छन् । 

गणपति थापाका अनुसार प्रतियोगिताहरु एथ्लेटिक्स,सुटिङ,आर्चरी खेल प्रदर्शनी प्रतियोगिता सुनसरी, पौडी इटहरी, भलिवल प्रतियोगिता भोजपुर, वास्केट वल धनकुटाको हिले, फुटवल प्रतियोगिता मोरङ्ग, वक्सिङ्ग र तेक्वान्दो धनकुटामा भैरहेको छ । नेपाली सेनामा भएका खेलाडीहरुलाई दक्ष वनाई राष्ट्रिय तथा अन्तराष्ट्रिय खेलाडी तयार गरी राष्ट्रलाई विश्व सामु पहिचान गराउने उदेश्यले वाहिनी पति ट्रफि प्रतियोगिता आयोजना गरिएको गणपति थापाले वताए । उनले खेलकुदको क्षेत्रलाई विकास एवं विस्तार गरी तेक्वान्दो र वक्सिङ्गको प्रतियोगिता धनकुटा स्थित् भमिदल गण सल्लेरीमा भैरहेको छ । 

वाहिनी पति ट्रफि प्रतियोगिता समापन भैसके पछि प्रितना पति ट्रफि प्रतियोगिता देशव्यापी रुपमा सम्पन्न भै सकेपछि प्रधान सेनापति ट्रफि प्रतियोगिता हुनेछ । वि.सं.०६५ साल देखि शुरु भएको प्रधान सेनापति ट्रफि विभिन्न विधाका प्रतियोगिता हुँदै आएको छ । प्रतियोगितामा ४ सय ८६ नेपाली सेना भित्रका खेलाडीहरु पहिलो चरणमा सहभागी भैरहेको भिमदल गण सल्लेरी व्यारेक धनकुटाले जनाएको छ ।  

• Dhankutapress