धनकुटा प्रेस सम्वाददाता 

धनकटा/धनकुटा बुद्धिचाल संघको प्रथम जिल्ला अधिवेशनबाट रमेशचन्द्र अधिकारीको नेतृत्वमा सोमवार नया“ समिति गठन गरिएको छ । 

नया“ समितिको उपाध्यक्षमा टिका भण्डारी, सचिव हेमकुमार राई र कोषाध्यक्ष विजयशेखर श्रेष्ठ चुनिएका छन् । यस्तै, सदस्यहरुमा नारायणकुमार आठपहरिया, कविराज घिमिरे र किशन बोगटी रहेको जनाइएको छ । यसैगरी, अधिवेशनले प्रदेश अधिवेशन प्रतिनिधि समेत चयन गरिएको बुद्धिचाल संघका प्रदेश संयोजक कृष्ण सिग्देलले जानकारी दिए । जसमा रमेशचन्द्र अधिकारी, टिका भण्डारी र शैलेश वाग्ले चयन भएका छन् । 

सो अवसरमा बुद्धिचाल संघका केन्द्रीय उपाध्यक्ष ज्ञानेन्द्र पराजुलीले बुद्धिचाल खेललाई धनकुटामा पहिलो पटक केन्द्रले अनुमोदन गरेको जानकारी दिए । सबै जिल्ला र पालिकास्तरमा बुद्धिचालको विस्तार गर्न आफुहरु जुटेको उनको भनाई थियो । 

यसैगरी, पुर्व केन्द्रीय वरिष्ठ उपाध्यक्ष राजेन्द्रप्रसाद रिजाल, प्रदेश संयोजक कृष्ण सिग्देल, प्रदेश सदस्य अतुलकुमार दाहल र जिल्ला खेलकुद विकास समिति धनकुटाका अध्यक्ष मनोज राई लगायतले खेलकुदको विकासका लागि राज्यपक्षको दायित्व रहनुपर्ने जोड दिए । यस अघि जिल्लामा राजेश्वरबहादुर श्रेष्ठको नेतृत्वमा तदर्थ समिति कार्यरत थियो । 

बुद्धिचाल संघको प्रदेश अधिवेशन मंगलबार देखि झापाको दमकमा आयोजना गरिने केन्द्रीय उपाध्यक्ष पराजुलीले जानकारी दिए ।  

• Dhankutapress