धनकुटा प्रेस सम्वाददाता
धनकुटा/प्रतिनिधि सभा सदस्यको जारी मतगणनाअनुसार धनकुटामा नेकपा एमालेका राजेन्द्र कुमार राईले फराकिलो अग्रता लिएका छन् । यो अग्रतासंगै राईले यस पटक समेत गरी संसद भवन प्रवेसमा प्रतिनिधिसभा सदस्य पदमा धनकुटाबाट ह्याट्रिक गर्ने भाग्यमानी नेता बन्न सफल भएका छन् ।
यस भन्दा अघि राईले ०७४ र ०७९ को आम निर्वाचनमा प्रतिनिधिसभा सदस्यमा धनकुटाबाट लगतार २ पटक बिजय हासिल गरेका थिए भने ०७० को संविधानसभा निर्वाचनमा नेपाली कांग्रेसका सुनिलवहादुर थापाले पराजित गरेका थिए ।
हालसम्म सम्पन्न कुल ४९ हजार ८ सय २४ मत गणनामा एमालेका राईले १५ हजार, २ सय २७ मत प्राप्त गरेका छन् । त्यसैगरी श्रम संस्कृति पार्टीका उम्मेदवार सानवहादुर राईले १० हजार, ५ सय ७५ मत प्राप्त गरेका छन् । एमालेका उम्ेमदवार राईले निकटतम् प्रतिस्पर्धी श्रम संस्कृति पार्टीका उम्मेदवार सानवहादुर राई भन्दा ४ हजार, ६ सय, ५२ मतले अग्रता लिएका हुन् ।
नेपाली कांग्रेसका उम्मेदवार दिनेश राईले ९ हजार, २ सय ३६ मत प्राप्त गरेका छन् । राष्ट्रिय स्वतन्त्र पार्टीका दिनेश भण्डारीले ७ हजार, २ सय, २७ मत प्राप्त गरेका छन् भने नेपाली कम्युनिष्ट पार्टीका धर्मराज पौडेलले १ हजार, ४ सय, २९ मत प्राप्त गरेका छन् । कुल खसेको मतमध्ये ४६ हजार, ७५ मत सदर भएको छ भने ३ हजार, ७ सय ४९ मत बदर भएको मुख्य निर्वाचन अधिकृतको कार्यालय धनकुटाले जनाएको छ ।
धनकुटाको हालसम्म चौबिसे गाउँपालिका, साँगुररिगढी गाउँपालिका, महालक्ष्मी नगरपालिका, छथरजोरपाटी गाउँपालिका, पाख्रिबास नगरपालिर सहिभूमि गाउँपालिकाको मतगणना सकिएको छ । धनकुटा नगरपालिकाको वडा नं.१,२ र ३ को एकै पटक मतगणना शुरु गरिएको छ ।
- dhankutapress
