धनकुटा प्रेस सम्वाददाता
धनकुटा/धनकुटा–धरान सडक खण्डमा पक्कि सडक भासिएपछि एकतर्फी सडक अवरुद्द भएको छ ।
वुधवार देखी परेको अविरल बर्षाका कारण शुक्रवार करिब ११ बजे धनकुटाको साँगुरीगढी गाउंपालिका वडा न ६ कोल्बोटे स्थित कोशी लोकमार्गमा करिब १० मिटर पक्कि सडक भासिएपछि एक तर्फी सडक अवरोध भएको जिल्ला प्रहरी कार्यालय धनकुटाका प्रवक्ता डीएसपी राजन कार्कीले जानकारी दिए ।
निरन्तर वर्षा भईरहने हो भने एक तर्फी सडक संचालनमा समेत समश्या आउन सक्ने प्रवक्ता डीएस्पी कार्कीले जानकारी दिएका छन् । सडक भासिने क्रम नरोकिने हो भने केहि समयमा एक तर्फी सडक समेत अवरुद्ध हुन सक्ने धनकुटा प्रहरी प्रवक्ता कार्कीले बताएका छन् । अहिले भने एकतर्फी सडक सूचारु भईरहेको छ । ठूला ठूला सवारी साधन आवात जावतमा भने समश्या हुन सक्ने उनले औल्याएका छन् ।
- dhankutapress
