धनकुटा प्रेस सम्वाददाता
धनकुटा/धनकुटा हिले सडक खण्डमा पर्ने परिचयमोड स्थित् खोल्सीमा खसेकी एक महिलाको सनिवार उद्दार गरिएको छ ।
धनकुटा नगरपालिका ६ परिचय मोड स्थित कोशी लोकमार्गको सडक पेटीमा बसेकी अन्दाजी ३५ बर्षिया पुर्णिमा राई अचानक बाटोको छेउबाट अन्दाजी ७० मिटर गहिरो खोल्सी खसेर दुर्घटनामा परेकी थिईन । उनको जिल्ला प्रहरी कार्यालय धनकुटाबाट खटिएको प्रहरीको उद्धार टोलीले उद्दार गरिएको जिल्ला प्रहरी कार्यालय धनकुटाका प्रवक्ता डीएसपी ओमप्रकाश खनालले जानकारी दिए ।
सनिवा। सांझ करिब ६ः३० बजे महिला खसेको जानकारी पाउनसाथ जिप्रका धनकुटाबाट प्रहरी उपरीक्षक शरत कुमार थापा क्षेत्रीको कमाण्डमा १० जनाको टोली खटी गई सकुशल उद्दार गरिएको डीएसपी खनालले बताए ।
महिलाको उपचारको लागि जिल्ला अस्पताल धनकुटा पठाइएको छ । उनको अवस्था सामान्य रहेको जिल्ला अस्पताल धनकुटाले जनाएको छ ।
- dhankutapress
