धनकुटा प्रेस सम्वाददाता

धनकुटा/धरान धनकुटा सडक खण्डको मुलघाट रुद्रबारी सडक अन्तर्गत धनकुटा नगरपालिका वडा नं.९ मा शुक्रवार बिहान ८.३० वजे यात्रुवाहक बस पल्टिंदा एक जना महिला घाइते भएका छन् ।

जिल्लाको धनकुटा नगरपालिका–९ तिनघुम्ती स्थित कोशी लोकमार्गमा दमकबाट खोटाङ्गको दिक्तेल तर्फ जादै गरेको यात्रुवाहक बस दुर्घटना भएको हो । प्र.१–०२–००१ ख ९५१९ नम्वरको बसको हावाको हाइडोलिक पाइप पड्किन गई अनियन्त्रित भई सडकमा नै पल्टिदा दुर्घट्ना भएको प्रहरीले जनाएको छ । यात्रुवाहक बसमा सवार २७ जना मध्ये मोरङको लेटाङ नगरपालिका–३ बस्ने ५५ बर्षिया मिना गुरुङको ढाडमा चोट लागि सामान्य घाइते भएको जिल्ला प्रहरी कार्यालय धनकुटाका प्रवक्ता डीएसपी राजन कार्कीले जानकारी दिए । घाइतेको प्राथमिक उपचारको लागि धनकुटा जिल्ला अस्पतालमा लगिएको थियो । थप उपचारको लागि प्राथमिक उपचार पश्चात धरान स्थित् विपि कोईराला स्वास्थ्य विज्ञान प्रतिष्ठान पठाइएको र अन्य यात्रु सबै सकुशल रहेको डीएसपी कार्कीले बताए ।

घटनास्थलमा प्रहरी चौकी मुलघाटबाट प्रसनि टंक थापाको कमाण्डमा प्रहरी टेली खटि गइ उद्दार गरिएको साथै गाडी घट्नास्थलमा नै रहेको भएपनि बाटो अबरोध नभएको प्रहरीले जनाएको छ ।

• dhankutapress