धनकुटा प्रेस अनलाईन 

धनकुटा/सिराहाको सलहेश फुटलव क्लबले धनकुटाको राजारानीमा जारी  १० औं गोर्खा रारा गोल्डकपको उपाधी चुमेको छ ।  

    बिहिबार राजारानी स्थित् पुण्य माविको खेल मैदानमा सम्पन्न खेलमा सलहेशले धजकुटाको डाँडा बजार फुटबल क्लबलाइ ३–१ गोल अन्तरले पराजीत गर्दै उपाधि चुमेको हो । खेलको १५ औ मिनेटमा सलहेशको लागि फागुराम थारुले खाता खालेका थिए । ४० औ मिनेटमा डाँडा बजारको लागि निरज थापा मगरले बराबरी गोल गरे । ५९ औ मिनेटमा सलहेशको लागि समिर तामाङ्गले गोल थप्दै २–१ को अग्रता बनाएका थिए । खेलको ८६ औ मिनेटमा फागुरामले पुनः अर्को गोल थप्दा सलहेश ३–१ गोलले जित हाशिल गर्न सफल भयो । 

 उपाधिसंगै बिजेता टोलिले नगद ४ लाख रुपैया हात पारेको छ । उपबिजेताले भने २ लाखमा चित्त बुझाएको छ । खेलमा सलहेशका फागुराम थारु उत्कृष्ट खेलाडी घोसित भए । त्यस्तै सलहेशलकै निश्चल मोक्तान उत्कृष्ट गोलकिपर घोसित भए । यता उदयीमान खेलाडी भने डाँडा बजारका अर्जुन लिम्बु घोषित भए । गत २२ गते बाट सुरु भएको प्रतियोगितामा देशका बिभिन्न ८ क्लबको सहभागीता रहेको थियो ।

• Dhankutapress