धनकुटा प्रेस सम्वाददाता

धनकुटा/धनकुटामा सनिवार देखी शुरु भएको अन्तरपालिका स्तरिय शहिद रामकृष्ण श्रेष्ठ स्मृति महिला फुटवल प्रतियोगीताको सेमीफाईनलमा धनकुटा, चौविसे र सहिदभूमी गाउँपालिकाको फुटवल टिम सेमीफाईनलमा पुगेको छ ।

शहिद रामकृष्ण श्रेष्ठ स्मृति प्रतिष्ठान धनकुटाले आयोजना गरेको प्रतियोगीताको दोश्रो दिन भएको खेलको पहिलो खेलमा सहिदभूमी गाउँपालिकाले साँगुरीगढी गाउँपालिकाको फुटवल टिमलाई सुन्यको विरुद्ध १ गोलले पराजित गर्दै सेमिफाईनलको यात्रा तय गरेको हो । आईतवार भएको दोश्रो खेलमा चौविसे गाउँपालिकाले पाख्रीवास नगरपालिकालाई सुन्यको विरुद्ध १ गोलले पराजित गर्दै सेमीफाईनलमा प्रवेश गरेको छ । 

सनिवार भएको उद्धघाटन खेलमा धनकुटा नगरपालिकाको फुटवल टिमले महालक्ष्मी नगरपालिका फुटवल टिमलाई सुन्यको विरुद्ध ८ गोल गरेर आफ्नो सेमीफाईनलको यात्रा पक्का गरेको थियो । सोमवार  हुने सेमिफाईनलमा पहिलो खेल धनकुटा नगरपालिका र छथरजोरपाटी गाउँपालिकाको फुटवल टिम विच हुनेछ भने दोश्रो खेल चौविसे गाउँपालिका र शहिदभूमी गाउँपालिकाको फुटवल टिम विच हुने आयोजकले जनाएको छ । 

• Dhankutapress