धनकुटा प्रेस अनलाईन सम्वाददाता
काठमाण्डौं/आइसीसी विश्वकप क्रिकेट लिग(२ अन्तर्गत विहिबार काठमाण्डौंमा सम्पन्न अन्तिम खेलमा नाटकीय तवरले पराजित गर्दै नेपालले आगामी वर्ष जिम्बाबेमा हुने एकदिवसीय विश्वकप छनोट खेल्ने अवसर प्राप्त गरेको छ ।
आजको खेललाई नेपाली क्रिकेट इतिहासकै सवैभन्दा महत्वपूर्ण र उच्चकोटीको मान्यता प्राप्त हो भन्दै अन्तर्राष्ट्रीय संचारमाध्यमहरूले आइसीसीको हवलादिदै नेपाली खेलाडीको प्रशंसा गरेका छन् ।
कुशल भुर्तेल, भीम सार्की, आरिफ सेख र गुल्सन झाले अर्धसतक बनाउदा ३९ अंक जोडेको नामिबियालाई पछि पार्दै नेपाली क्रिकेट टिम ४० अंकसहित विश्वकपको छनोटमा प्रवेश गर्न सफल भएको हो ।
खराब मौसमका कारण खेल पुरा हुन नसकेपछि डिएलएस मेथडका आधारमा नेपालले युएइविरूद्ध ९ रनको जीत निकालेको थियो । रेफ्रिले खेल रोकेर विजय घोषणा गर्दाताका नेपाले ४४ ओभरमा ६ विकेट गुमाउदै २६९ रन जोडेको थियो भने युएइले पुरै ५० ओभर खेल्दा ६ विकेटको क्षतिमा ३१० रन जोडेको थियो ।
नत्र नेपाललाई खेल जित्नका लागि ६ ओभरमा ४२ रन बनाउनुपर्ने बाध्यता रहन्थ्यो ।
- Dhnakutapress
