धनकुटा प्रेस सम्वाददाता
धनकुटा/‘नयाँ जनवाद, वैज्ञानिक समाजवाद जिन्दावाद’ को नारा घन्काउँदै क्रान्तिकारी कम्यूनिष्ट पार्टी नेपालले जनसम्वन्ध विस्तार अभियान अन्गर्तत धनकुटामा सोमवार र्याली तथा कोण सभा आयोजना गरेको छ ।
कोणसभालाई क्रान्तिकारी कम्युनिष्ट पार्टी नेपालका केन्द्रिय पोलिट व्यूरो सदस्य रामसिं शिरिस, शारादा महत, अटल, पार्टीका धनकुटा जिल्ला सचिव गोपाल विश्वकर्मा लगायतले सम्वोधन गरेका थिए । कोणसभा आयोजना गर्नु पूर्व उनीहरुले क्रान्तिकारी कम्युनिष्ट पार्टी नेपाल जिन्दावाद्, माक्सवाद, लेलिनवाद, माओवाद जिन्दावाद्, नयाँ जनवाद वैज्ञानिक समाजवाद जिन्दावाद लगायतका नार घन्काउँदै धनकुटा बजारको परिक्रमा गरेका थिए । बजार परिक्रमा पश्चात स्थानिय मदनचोकमा कोणसभा आयोजना गरिएको थियो ।
क्रान्तिकारी कम्युनिष्ट पार्टी नेपालका केन्द्रिय समितिको आयोजनामा गएको चैत्र ४ गते देखी लिम्वूवानको पाँस्थर जिल्लामा पर्ने चिवा भञ्याङ्ग, झापाको काँकडभित्ता र पश्चिममा कन्चनपुरको झुलाघाटबाट अभियान शुरु गरिएको पार्टीका प्रदेश नं.१ का सचिव डिल्लीराम बोहोराले जानकारी दिए । उनले भने–‘देशव्यापी अभियान समापन भएपछि आगामी वैसाख १८ गते अन्तराष्ट्रिय श्रमिक दिवशको दिन काठमाण्डौंमा औपचारिक समापन हुनेछ ।’
- dhankutapress
