धनकुटा प्रेस सम्वाददाता
धनकुटा/धनकुटा,१८ चैत । नेकपा एमाले धनकुटाले आज राजावादीका नाममा सुरु गरिएका गतिविधिको बिरोध गर्दै धनकुटामा मोटरसाइकल र्याली निकालेको छ । संघीय लोकतान्त्रिक गणतन्त्र, यसबाट प्राप्त उपलब्धी र संविधानको रक्षाका लागि भन्दै आज एमाले धनकुटाले सदरमुकामको बसपार्कबाट बिरोध र्याली निकालेको हो ।
याली बसपार्कबाट सुरु भएर त्रिबेणी, डाँडागाउँ, मदनचौक, भीमनारायण चौक, माथिल्लोकोप्चे तल्लोकोप्चे टुडिखेल हुँदै फेरी मदन चौकमा पुगेर जागरण सभामा परिणत भएको थियो । सभालाई सम्बोधन गर्दै नेताहरुले अहिलेको उपलब्धी ल्याउनका लागि ठूलो संघर्ष र बलिदान भएको र यसको रक्षाका लागि सबै धनकुटेली जनता सहित देशबासीले उठाउनु पर्ने बताएका थिए ।
र्यालीका सहभागीले संघिय लोकतान्त्रिक गणतन्त्रको रक्षा, पूर्ण प्रेस स्वतन्त्रता, राष्टिय स्वाधीनताको रक्षाको पक्षमा नारा लगाएका थिए । उनिहरुले राजावादी आन्दोलनका नाममा भइरहेका गतिविधि प्रति आक्रोस ब्यक्त गरेका छन् । सभामा सहभागी हुन धनकुटाका सात वटै पालिका र ६० वडाबाट एमाले नेता कार्यकर्ता धनकुटा सदरमुकाम आएका थिए ।
- dhankutapress
