धनकुटा प्रेस सम्वाददाता 

धनकुटा/राष्ट्रिय सेवा दलद्धारा विगतका वर्षहरु देखि संचालन गर्दै आएको एनसिसि जुनियर डिभिजनको तालिम एक समारोहको विच उद्धघाटन गरिएको छ । 

धनकुटा नगरपालिका वडा नं.६ को वाल संसार सेकेण्डरी वोर्डिङ्ग स्कुल र धनपा–७ स्थित् तमोर भ्याली सेकेण्डरी वोर्डिङ्ग स्कुलमा छनौटमा परेका ३६÷३६ जना गरी जम्म ७२ जना अध्ययनरत छात्र–छात्राहरुलाई  राष्ट्रिय सेवा दल पुर्वि तालिम शिक्षालय याङ्गशिला मोरङ्गद्धारा सोमवार तालिम समुद्धघाटन गरिएको हो । 

तालिमको समुद्धघाटन भीमदल गण धनकुटाका गणपति प्रमुख सेनानी सुमन थापाले गरेका छन् । तालिम श्रावण–१ गते देखी आगामी अशोज ३० गतेसम्म संचालन हुनेछ । तालिमको मुख्य उदेश्य भनेको युवाहरुलाई अनुशासित वनाउने, इमान्दारिता र वफदारिताको भावानको विकास गराउने रहेको छ । त्यसका साथै युवाहरुको क्षमताको विकास गर्नुको साथै विपदको समयमा राहात र उद्धारको कार्यक्रम संलग्न गराई स्वयम सेवकको भूमिका निर्वाह गर्ने रहेको छ । 

• Dhankutapress