धनकुटा प्रेस अनलाईन खवर सम्वाददाता
धनकुटा/गैरआवासीय नेपाली संघ अन्तर्राष्ट्रिय समन्वय परिषद महिला विभागले धनकुटा नगरपालिका ४ देब्रेबासस्थित श्रीपञ्चमीमा रहेको बाल पुनस्र्थापना केन्द्रका लागि दुई लाख रुपैया“ सहयोग गरेको छ ।
केन्द्रमा रहेका बालबालिकाको शिक्षा तथा दैनिकीको लागि उक्त रकम सहयोग गरिएको गैरआवासीय नेपाली संघ अन्तर्राष्ट्रिय समन्वय परिषद महिला विभागका उपाध्यक्ष रोजिना प्रधानले जानकारी दिइन् । उक्त केन्द्रमा १३ बालबालिका आश्रित रहेका छन् । उक्त रकम त्यहा“ रहेका अभिभावक विहिन बालबालिकालाई लेखपढ, आवास तथा खानाको प्रबन्धमा खर्च गरिने केन्द्रका अध्यक्ष सकुन्तला बस्नेतले बताइन् ।
रकम एनआरएनएका अध्यक्ष डा.बद्री केसी, उपमहासचिव सोम सापकोटा, सहकोषाध्यक्ष कृष्ण तिम्सिना, प्रमुख कार्यकारी अधिकृत (सिइओ) राजेन्द्र राउत, सचिव राधिका गुरुङले संयुक्त रुपमा रकम हस्तान्तरण गरे । बालबालिकालाई १२ कक्षासम्म अध्ययन गराउन समेत एनआरएनएले सहयोग गर्ने महिला विभागका उपाध्यक्ष प्रधानले जानकारी दिइन् ।
यसैबिच, मोरङ, सुनसरी र भोजपुरका अग्नी पीडितलाई समेत सहयोग गरिएका एनआरएनका अध्यक्ष केसीले बताए । यसक्रममा मोरङको रंगेलीका २३, सुनसरीको बर्जुका ३१ र भोजपुरका ५ अग्नीपीडित परिवारलाई जस्तापाता लगायतको सहयोग गरिएको जानकारी दिए । कार्यक्रममा कोशी प्रदेशसभा सदस्य इन्द्रमणी पराजुली, जिल्ला समन्वय समितिका प्रमुख निरेन तामाङ लगायतले धन्यवाद ज्ञापन गरे ।
- Dhankutapress