धनकुटा प्रेस सम्वाददाता

धनकुटा/धनकुटा नगरपालिका–६ पात्लेखोलामा रहेको धनकुटा एग्रो टुरिजम फन एण्ड भ्यालीले संचालनमा ल्याएको बोटिङ गर्ने पोखरीमा डुवेर २ बालक मृत्युको घट्नाको पिडित पक्षसंग सहमति जुटेको छ ।

पिडित पक्षलाई फनपार्क संचालक समितिले जनही ५ लाखको दरले क्षतिपुर्ति दिने भन्ने भएपछि सहमति जुटेको हो । जस मध्ये क्रियाखर्च वापत आईतवार जनही ५०÷५० हजारका दरले मृतक वालकहरुका अभिभावकहरुले पाएका छन् । क्षतिपुर्तिका विषयमा सहमति जुटपछि पोखरीमा पौडी खेल्ने क्रममा मृत्यु भएका २ वालकको आईतवार धनकुटा अस्पतालमा पोष्टमार्टन गरीएको छ । पोष्टमार्टम पश्चात उनीहरुको लास परिवारले वुझेर आ–आफ्नो धार्मिक संस्कार र परम्परा अनुसार सनाखत गरेका छन् । 

सनिवार दिउँसो धनकुटा नगरपालिका–४ घर भएका विजय राईको १३ वर्र्षीय छोरा सोनिम राई र धनकुटा नगरपालिका–२ भिरगाउँ घर भएका दिलवहादुर राईका १४ वर्र्षीय छोरा उदय राईको फनपार्कले बनाएको पोखरीमा डुवेर ज्यान गएको थियो । धनपा वडा नं.४ का वडाध्यक्ष जम्शेर छाराहाङ आठपहरियाले लामो समयसम्म दुवै पक्षसंग छलफल भएपछि सहमति जुटेको वताए । फनपार्क संचालकले आगामी दिनमा पुनः पोखरी संचालन गर्दा लापार्वाही नगरी मापदण्ड पु¥याएर मात्र संचालन गर्ने भनि सरोकारवालाहरु विच सहमति जुटेको छ । फनपार्कमा पुनः पोखरी संचालन नगर्ने हो भने माछा पाल्ने नाममा पानी जमाउन नपाईने सहमति भएको छ । 

सहमति पत्रमा पिडित पक्षलाई वाँकी रकम ४ लाख, ५० हजार आगामी श्रावण ७ गते भित्र दिने निर्णय भएको छ । सहमति पत्रमा पिडित पक्ष र फनपार्क संचालक समितिका पदाधिकारीहरुले हस्ताक्षर गरेका छन् । धनकुटा एग्रो टुरिजम फन एण्ड भ्यालीले आन्तरिक पर्यटकका लागि संचालनमा ल्याएको बोटिङ गर्ने पोखरीमा ३ वर्ष यता शुल्क लिएर संचालन गर्दै आएको थियो । 

जिल्ला प्रहरी कार्यालय धनकुटाका प्रमुख एस्पी लक्ष्मीराज अधिकारीले फनपार्क संचालक र पिडितका आफन्त विच सहमति भएको वताए । उनले सहमति जुटाउने क्रममा भएको प्रशासन, पिडित पक्ष र फनपार्क  संचालक सहितको त्रिपक्षिय वार्तामा फनपार्कलाई पुन संचालन गर्दा मापदण्ड पु¥याएर मात्र संचालन गर्ने लिखित सहमति भएको वताए । सहमति पत्रमा फलपार्क संचालक समितिका अध्यक्ष गोपाल गुरागाँई, वडा नं.४ का वडाध्यक्ष जम्शेर छाराहाङ र पिडितका आफन्तले हस्ताक्षर गरेका छन् ।  

• Dhankutapress