धनकुटा प्रेस अनलाईन सम्वाददाता 

धनकुटा/राष्ट्रिय जनमुक्ति पार्टीले आव्हान गरेको बन्दका कारण धनकुटा सहित १ नम्वर प्रदेशको जनजिवन सोमवार प्रभावित भएको छ । 

राष्ट्रिय जनमुक्ति पार्टी लगायत ७ वटा घटकरुले आव्हान गरेको बन्दका कारण धनकुटा लगायत प्रदेश नं.१ अन्तर्गतको लिम्वुवानी जनजिवन अस्तव्यस्त भएको हो । 

नेपालको नयाँ संविधान २०७२ टेकेर वनेको कुनै पनि सरकारले हाल मुलुकमा जाती, वर्ग, लिंग र समुदायलाई संवैधानिक रुपमा अधिकार सम्पन्न गराउन नसकेकाले अहिलेको संरकारको विरोधमा बन्द आह्वान गरिएको राष्ट्रिय जनमुक्ति पार्टीका नेता विष्णु थाम्देनले वताएका छन् । अव राखिने एक नम्वर प्रदेशको नाम लिम्बूवान–किराँत हुनुपर्ने उनीहरुको माग छ । उनले नेपाललाई पूर्ण संघीय व्यवस्थामा लानको लागि दवाव सृजना गर्न पनि १४ वर्ष अघि देखि निरन्तर वन्द आव्हान गरिएको स्पष्ट पारेका छन् ।

वि.स. १८३१ श्रावण २२ को गोर्खा राज्यसंग भएको सन्धिलाई आधार मानी विगत १४ वर्षदेखि उक्त पार्टीले हरेक वर्ष श्रावण २२ लाई कालो दिवस तथा धोका भनेर लिम्बुवान बन्दको आह्वान गरिरहेको छ । वन्दको कारण धनकुटामा सार्वजानिक सवारी साधनहरु ठप्प भएका थिए । जस्ले गर्दा कोशी पहाड पूर्ण रुपमा प्भावित भयो । विद्यालयहरुपूर्ण रुपमा वन्द रहे । वन्दको कारण कुनै पनि अप्रिय घट्ना नभएको धनकुटा लगायत कोशी पहाडी जिल्लामा वन्द शान्तीपुर्ण भएको जिल्ला प्रशासन कार्यालय धनकुटाले जनाएको छ । 

अन्य तस्विरहरु :

• Dhankutapress