धनकुटा प्रेस अनलाईन खवर सम्वाददाता
सहिदभूमि/हिले खोकु सडक खण्डमा पर्ने सहिदभूमि गाउँपालिका वडा नं–४, नासपति चौकमा सडक दुर्घटना परि २३ वर्षका लुरे वि.क. भनिने टाइजन वि.क.को मृत्यु भएको छ ।
शुक्रबार रातको ९.३० बजे थलथलेबाट खोकुतर्फ जाँदै गरेको को १ ज ३११८ नम्बरको पिकअपले किचेर दुर्घटनामा परि वि.क. को मृत्यु भएको इलाका प्रहरी कार्यालय छिन्ताङ धनकुटाका प्रहरी निरीक्षक विष्णुबहादुर खड्काले बताए ।
दुर्घटना भएको सवारी साधन र चालकलाई प्रहरीले नियन्त्रणमा लिएको छ । नियन्त्रणमा लिएको सवारी साधन र चालक माथि आवश्यक अनुसन्धान भइरहेको इलाका प्रहरी कार्यालय छिन्ताङका प्रहरी निरीक्षक विष्णुवहादुर खड्काले बताए । शवलाई आवश्यक कानूनी प्रक्रिया पूरा गरी पोष्टमार्डमको लागि जिल्ला अस्पताल धनकुटा ल्याईएको सहिदभूमि–४ का वडा अध्यक्ष भिम बहादुर राईले बताएका छन् ।
- dhankutapress
