धनकुटा प्रेस सम्वाददाता
धनकुटा/धनकुटा चौबिसे गाउँपालिकमा पौडी खेल्ने क्रममा तालमा डुबेर एक युवकको सनिवार मृत्यु भएको छ ।
मृत्यु हुनेमा धनकुटा जिल्लाको चौबिसे गाउंपालिका वडा नं.१ फेदापजुङ बस्ने जित बहादुर आले मगरका १७ बर्षिया छोरा अभिषेक आले मगर रहेका छन् ।
आज दिउंसो करिब ३ः३० बजे चौबिसे गापा २ स्थित धपड तालमा पौडी खेल्ने क्रममा डुबेर मगरको १७ वर्षिया मगरको मृत्यु भएको जिल्ला प्रहरी कार्यालय धनकुटाका प्रवक्ता डीएसपी ओमप्रकाश खनालले जानकारी दिए ।
तालमा डुबेको जानकारी प्राप्त हुनसाथ प्रहरी चौकी मुढेवास र इलाका प्रहरी कार्यालय राजानीबाट खटिएको प्रहरीको उद्दार तथा खोजी टोलीले खोजतलास गरेको थियो । खोजतलासको क्रममा डुबेर बेपत्ता भएका आलेमगरको शव पोखरीमा फेला परेको डीएसपी खनालले जानकारी दिए ।
घट्ना पछि आले मगरको लास पोष्टमार्टमको लागि विपि कोईराला स्वास्थ्य विज्ञान प्रतिष्ठान धरान लगिएको छ । घटनाको विषयमा थप अनुसन्धान भइरहेको प्रहरीले जनाएको छ ।
- d
