धनकुटा प्रेस अनलाईन सम्वाददाता 

धनकुटा/धरानमा गोरु काटेर भोज गर्नेलाई कार्वाहीको माग गर्दै विश्व हिन्दु परिषद नेपाल र राष्ट्रिय प्रजातन्त्र पार्टी धनकुटाले वुधवार नेपाल सरकारका गृहमन्त्रिलाई प्रमुख जिल्ला अधिकारी मार्फत ज्ञापन पत्र पठाएका छन् ।

विश्व हिन्दु परिषद धनकुटाका अध्यक्ष मान वहादुर पराजुली र राष्ट्रिय प्रजातन्त्र पार्टीका जिल्ला अध्यक्ष कुमार वहादुर थापाको अगुवाईमा गएको एक टोलीले धनकुटा जिल्लाका प्रमुख जिल्ला अधिकारी थानेश्वर गौतम मार्फत नेपाल सरकारका गृहमन्त्रिलाई ज्ञापन पत्र वुझाएका हून् । पराजुली र थापाद्धारा हस्ताक्षरित विज्ञप्तीमा भनेका छन्–‘नेपालमा धार्मिक द्धन्द्ध निम्त्याउने उदेश्यले धरानमा केहि समूहद्धारा घटाइएको गौहत्या घट्नाको घोर भत्र्सना गर्दछौं ।’ गाई नेपालको राष्ट्रिय जनवार मात्र नभई वहुसंख्यक सनातनी हिन्दुहरुको आस्था र अन्तर आत्मासंग धार्मिक महत्व रहने भन्दै दुवै संगठनले गम्भिर आपत्ति जनाएका छन् । 

विज्ञप्तीमा भनिएको छ–‘नेपालको कानूनले गौहत्यालाई पूर्णता बर्जित गरेको भएता पनि दिनानुदिन गौहत्यको घट्ना वढ्नु गम्भिर एवं चिन्ताजनक विषय भएको उल्लेख छ ।’ नेपालको कानूनमा गौहत्यलाई दण्डनिय अपराध भनेर उल्लेख गरेतापनि दण्डहिनता मौलाएकोले यस्ता खाले कृयाकलाप तत्काल रोक्न सरकारसंग दुवै संगठनले ज्ञापनपत्र मार्फत माग गरेका छन् । 

घट्नामा संलग्न केहि समूहहरुले सार्वजानिक रुपमै गौमांसको भोज आयोजना गरेर सामाजिक संजालमा सम्प्रेषर्ण गर्दा समेत प्रहरी प्रशासन मौन रहनुले प्रहरी प्रशासनको चरित्र माथि प्रश्न चिन्ह खडा भएको उनीहरुको ठम्याई रहेको छ । 

उनीहरुले धरानको एक हिन्दु मन्दिर अगाडी चर्च वनाउने कार्य भईरहँदा धरानका नगर प्रमुखको मौन समर्थन र संलग्नताले धरानमा हिन्दु विरोधी तत्वहरुको मनोवल वढेको आशंका गरेका छन् । नेपालको राष्ट्रिय जनावारको रक्षा एवं वहुसंख्यक जनताको भावानाको कदर गर्दै गौहत्यमा संलग्नलाई कानून् वमोजिम सरकारले कडा भन्दा कडा कार्वाही नगरे थप आन्दोलनमा उत्रिने उनीहरुले चेतावनी दिएका छन् । उनीहरुले धनकुटा वजारमा भेला भएर जिल्ला प्रशासन कार्यालय पुगेर प्रजिअ गौतमलाई ज्ञापनपत्र वुझाएका थिए । 

सो अवसरमा ज्ञपानपत्र वुझ्दै प्रमुख जिल्ला अधिकारी गौतमले दुवै संगठनको ज्ञापनपत्रलाई सम्बन्धित् ठाउँमा तत्काल पठाउने प्रतिवद्धता जनाए । गौतमले भने–‘अन्य जिल्लामा जे जस्तो घट्ना परिघटना भए पनि धनकुटा जिल्लाको हकमा कोहि कसैसंग द्धन्द्ध ननिम्तियोस ।’ धनकुटा जिल्ला हिजो पनि शान्ति, आज पनि शान्ति र भोली पनि शान्ति कायम रहोस भन्दै सवैलाई सद्धभाव कायम गर्न प्रजिअ गौतमले आग्रह गरे ।  

• Dhankutapress