धनकुटा प्रेस अनलाईन सम्वाददाता 

धनकुटा/मनसुनको समयमा उत्पन्न हुन सक्ने विपदका घटनाहरुको फौज परिचालन गरेर गरिने उद्धार कार्यको पूर्व ‘अभ्यास मनसुन–३’ कार्यक्रम सनिवार धनकुटामा सम्पन्न भएको छ । 

नेपाली सेनाको धनकुटा स्थित् भीमदल गणको आयोजनामा धनपा–९ स्थित तमोर नदीको विश्रान्ति मन्दिर ईलाकामा नेपाली सेनाका १९, सशस्त्र प्रहरीका १० र नेपाल प्रहरीको ४ जना सुरक्षा फौजले यस्तो पूर्व अभ्यास गरेका हुन् । सोही क्रममा आयोजना गरिएको पुर्व अभ्यास कार्यक्रममा २० जना स्थानिय सहित जम्मा ५३ जनाको सहभागीतामा एकिकृत रुपमा पुर्व ’अभ्यास मनसुन–३’ कार्यक्रम संचालन गरिएको भीमदल गण धनकुटाका सेनानी गोरे गुरुङ्गले जानकारी दिए । 

उनले नेपालमा मनसुनको समयमा हुने भारी वर्षाको कारण तराईमा डुबान र पहाडमा बाढीपहिरो जाने गरेको बताए । यस्तो वेला हुने जनधनको क्षतीलाई न्यूनिकरण गर्न वा विपतमा उद्धार गर्न सहयोग पु¥याउने उदेश्यले पुर्व अभ्यास गरिएको सेनानी गुरुङ्गले वताएका छन् ।  उनले भने–‘धनकुटा जिल्ला पनि पहाडी भू–भागमा अवस्थित रहेको छ ।’ तसर्थः यस क्षेत्रमा वर्षायाममा हुने बाढी, पहिरो र कटान जस्ता प्राकृतिक विपद्बाट प्रभावितहरुलाई तत्काल उद्दार तथा राहत कार्य प्रभावकारी रुपमा सम्पन्न गर्न १ दिने एकिकृत पूर्व अभ्यास कार्यक्रम संचालन गरिएको सेनानी गुरुङ्गले स्पष्ट पारे ।

यसरी आयोजना गरिएको एकिकृत पूर्व अभ्यासमा पहिरोमा परेको जनधनलाई रोप रेस्क्यु, बाढीमा परेका ब्यक्तिलाई ¥याफ्टिङ्ग बोटको सहायताले गरिने उद्दार कार्यको पूर्व अभ्यास गरिएको थियो । त्यसैगरी बाढीले बगाई रहेको ब्यक्तिलाई बोट नजाने स्थानबाट रोपको सहायताले गरिने उद्दार कार्यको पनि अभ्यास गरिएको थियो ।  

रिभर क्रसिङ्ग तथा प्रभावितहरुलाई तत्काल राहत कार्य लगायत प्रभावित ब्यक्तिहरुले अपनाउनु पर्ने सुरक्षात्मक विधी सम्बन्धमा पनि स्थानीयबासीलाई नेपाली सेनाले सचेतना कार्यक्रम संचालन गरेको भीमदल गण धनकुटाले जनाएको छ ।

• Dhankutapress