धनकुटा प्रेस अनलाईन खवर सम्वाददाता
धनकुटा/धनकुटामा पोल्ट्री फार्मले कुखुराको सुली थुपारेको पोखरीमा डुबेर २ बालकको सनिवार मृत्यु भएको छ ।
धनकुटा नगरपालिका वडा नं. १० पारीपात्ले मार्गास्थित बिजय पोल्ट्री फार्मले फोहोर फाल्न बनाएको पोखरीमा डुबेर २ बालकको मृत्यु भएको हो ।
मृत्यु हुनेमा धनकुटा नगरपालिका वडा नं.–१० बस्ने ११ वर्षिया मनिश खतिवडा र धनकुटा नगरपालिका वडा नं.–९ बस्ने १५ वर्षिय दिपेश ओझा रहेको प्रहरीले जनाएको छ ।
मृत्यु भएका २ वालकलाई पोल्ट्री फार्म संचालकको तर्फबाट जनही १५ लाखका दरले दिने सहमती भएको जिल्ला प्रहरी कार्यालय धनकुटाका प्रहरी निरीक्षक अनिल कुमार शाहले जानकारी दिए । सहमतीसंगै दुवैको आईतवार साँझ जिल्ला अस्पताल धनकुटामा पोष्टमार्टम गरी आफन्तले लास वुझेको प्रहरीले जनाएको छ ।
- Dhankutapress
