धनकुटा प्रेस सम्वाददाता
पाख्रीवास/राष्ट्रिय स्वतन्त्र पार्टी (रास्वपा) पाख्रीवास नगर समितिले अन्तर्राष्ट्रिय युवा दिवसको अवसरमा धनकुटाको पाख्रीबासमा वुधवार लागूपदार्थ दुव्र्यसनविरुद्ध सचेतना कार्यक्रम आयोजना गर्ने भएको छ।
ईलाका प्रहरी कार्यालय पाख्रीबास र धनकुटा हेल्पिङ ह्याण्ड्सको सहकार्य तथा राष्ट्रिय स्वतन्त्र पार्टी (रास्वपा) पाख्रीबास नगर समितिको आयोजनामा “लागूपदार्थ दुव्र्यसनविरुद्ध सचेतना कार्यक्रम सञ्चालन गर्न लागिएको नगर सभापती विष्णु विक्रम निरौलाले जानकारी दिएका छन् । युवापुस्तामा बढ्दै गएको लागूपदार्थ दुव्र्यसनका कारण उत्पन्न हुने सामाजिक तथा व्यक्तिगत समस्याबारे सचेतना फैलाउने उद्देश्यले कार्यक्रम आयोजना गर्न लागिएको नगर समितिले जनाएको छ ।
कार्यक्रम श्रावण २७ गते बुधबार दिउँसो १२ः३० बजे पाख्रीबास स्थित जालपा देवी माध्यमिक विद्यालयको हलमा आयोजना हुने बताइएको छ । आयोजकले कार्यक्रममा सम्पूर्ण राजनैतिक दल, सरोकारवाला, युवा, विद्यार्थी, अभिभावक तथा स्थानीयवासीको उपस्थितिका लागि अनुरोध गरेको छ ।
- dhankutapress
