धनकुटा प्रेस अनलाईन खवर सम्वददाता
धनकुटा/ ‘सहकारीमा सुशासन प्रविधि र एकिकरण’ भन्ने मूलनाराको साथ मंगलवार धनकुटामा ६७ औं राष्ट्रिय सहकारी दिवश विविध कार्यक्रमको साथ मनाईएको छ ।
जिल्ला सहकारी संघ धनकुटाको आयोजनामा विविध कार्यक्रमको आयोजना गरी ६७ औं राष्ट्रिय सहकारी दिवश धनकुटामा मनाइएको हो । सहकारी दिवशको अवसरमा धनकुटा नगरपालिका वडा नं।१० मा रहेको श्री आधारभूत विद्यालयमा अध्ययनरत २६ जना वौद्धिक अपाङ्ग सुस्त मनस्थितिका स्रोत कक्षाका बालबालिकाहरुलाई सहयोग पु¥याउने उदेश्यले कार्यक्रम आयोजना गरिएको थियो ।
सो अवसरमा जिल्ला सहकारी संघ धनकुटाको तर्फबाट स्रोत कक्षामा अध्ययनरत वालवालिकाहरुलाई इलेक्ट्रिक तातोपानी तताउने फिल्टर, खाद्यन्न फलफूल र लत्ताकपडाहरु वितरण गरिएको थियो । कार्यक्रमका प्रमुख अतिथि जिल्ला समन्वय प्रमुख निरेन तामाङले विद्यलयका प्रअ विनोदवावु सुवेदीलाई खाद्यन्न लगायतका सामाग्री हस्तान्तरण गरेका थिए ।
जिल्ला सहकारी संघका अध्यक्ष खगेन्द्र सुवेदीको अध्यक्षतामा सम्पन्न कार्यक्रममा विद्यालयका प्रअ विनोद वावु सुवेदी, धनपा–१० का वडाध्यक्ष नगेन्द्र पाण्डे लगायतले शुभकामना मन्तव्य व्यक्त गरेका थिए । उनीहरुले सहकारीको पैसा कपचलन गने सहकारीका ठगहरु कानूनी कटघरामा उभ्याउनु पर्नेमा जोड दिएका थिए । साँझ धनकुटा–७ मदनचोकमा दिपप्रज्वनल समेत गरिएको थियो ।
- Dhankutapress