Breaking News
धनकुटाको हिलेमा वुद्ध जयन्तीको अवसरमा औतारी लामाबाट वाङ्ग अभिशेक साथै शान्ति ¥याली सम्पन्न    ||     ‘पहिचानको आन्दोलनलाई बलियो बनाउन पहिचानवादी मोर्चा गठन’–डा.लावती    ||     नेपाल तामाङ घेदुङ प्रदेश नं.४ को अध्यक्षमा राम ब्लोन तामाङ चयन    ||     भीमनारायण गोल्डकप : एपीएफ र विर्तामोड युनाईटेड क्लव झापाविच उपाधिको लागि भिडन्त हुने    ||     भीमनारायण गोल्डकप : एपीएफ फाइनलमा    ||     भीमनारायण गोल्डकप : कडा प्रतिष्पर्धाको विच आयोजक सेमीफाइनलमा    ||     जिल्ला घेदुङ धनकुटाले आगामी फागुण–१२ गते हिलेमा सोनाम ल्होछार मनाउने    ||     ६ सय केजी गाँजा सहित ट्याङ्गकर प्रहरी नियन्त्रणमा    ||     चौतारीको २६ औं स्थापना दिवशमा विरामीलाई फलफूल वितरण    ||     चौबिसे रनिङ्ग कप फुटवल प्रतियोगिताको उपाधि वडा नं.६ राजारानीलाई    ||    

बंगुरको मासुको मुल्य धनकुटामा प्रति केजी ४ सय ६० पुग्यो

मूल्य वृद्धिले सर्वसाधरण उपभोक्ता चरम मारमा

  •   ४ महिना अघि | २० माघ २०८०, शनिबार

धनकुटा प्रेस अनलाईन खवर सम्ववाददाता 

धनकुटा/बंगुरको मासु धनकुटामा विहिवार देखी प्रति केजी ४ सय ६० पुगेको छ । वंगुर उत्पादनमा कमी हुनु र वंगुरको निर्यात धनकुटा बाहिर ह्वात्तै वढैसंगै वंगुरको मासुको मुल्य वढेको व्यवसायीहरुले बताएका छन् । 

धनकुटा–७ मदनचोक नजिकै मासु व्यवसाय गर्दै आएको जीवन खडुगीले भने–‘बंगुर महँगो मूल्यमा जिल्ला वाहिर खपत हुन थालेकाले स्थानिय स्तरमा पनि वंगुरको मासुको मुल्य वढेको हो ।’ वंगुर खरिद गर्दा महँगो पर्न थालेपछि आफूहरुले वाध्य भएर व्यवसायीहरुको एक आपसमा सल्लाह गरेर वंगुरको मासुको मुल्य प्रति किलो ६० रुपयाँले बढाएको खड्गीले बताए । यस अघि धनकुटामा वंगुरको मासु प्रति केजी ४ सय रुपयाँले पाउने गरेको थियो । 

यता धनकुटा नगरपालिका वडा नं.६ का वडाध्यक्ष एवं मासु व्यवसायी संघ धनकुटाका अध्यक्ष मिलन नेवाः खड्गीले बंगुरको मासुको मूल्य वढेको विषयमा आफूलाई थाहा नभएको वताए । वंगुरको मासुको मूल्य वढाउने विषयमा मासु व्यवसायी संघसंग कसैले पनि समन्वय नगरेको अध्यक्ष खड्गीले बताए । उनले मासुको मुल्य निर्धारण गर्न वा जिल्लामा दर रेट तोक्न छुट्टै समिति भएकाले मासु व्यवसायीहरुले मात्र आफू खुशी मुल्य वढाउन नमिल्ने वताए ।

धनकुटामा ०७५ सालसम्म वंगुरको मासुको प्रति केजी मुल्य २ सय ८० रुपयाँ मात्र थियो । ५ वर्ष पछि झण्डै १०० प्रतिसतले वंगुरको मासुको मुल्य ह्वात्तै वढेको छ । वंगुरको मासुको मुल्य साविक भन्दा १५–२० प्रतिसतको हाराहारीमा मूल्य वढ्दा उपभोक्ता अधिकार मंच धनकुटाका पदाधिकारी एवं सदस्यहरु भने कानमा तेल हालेर बसेका छन् । 

मासु व्यवासयीहरुले पनि उपभोक्ता अधिकार मंचका पदाधिकारी एवं मासु व्यवासयी संघका पदाधिकारीहरुसंग वसेर एक आपसमा छलफल नै नगरी प्रति केजी ६० रुपयाँ मासुको मूल्य वृद्धि गर्दा सर्वसाधरण उपभोक्ताहरु भने चरम मारमा परेका छन् ।  


  • Dhankutapress

थप